കെട്ടിടത്തിൽ നിന്ന് വീണ് യുവതിക്ക് ദാരുണാന്ത്യം

ദുബൈ: ദുബൈയിൽ ബഹുനില കെട്ടിടത്തിൽ നിന്ന് വീണ് യുവതിക്ക് ദാരുണാന്ത്യം. തിങ്കളാഴ്ച അതിരാവിലെ ശൈഖ് സായിദ് റോഡിലാണ് സംഭവം ഉണ്ടായത്.

യുവതി താമസിക്കുന്ന സ്ഥലത്തിന് അടുത്തുള്ള ആർടിഎ കാർ പാർക്കിന് സമീപത്ത് നിന്നാണ് മൃതദേഹം രാവിലെ 5 മണിയോടെ കണ്ടെത്തിയത്. 38 നില കെട്ടിടത്തിലെ ബാൽക്കണിയിൽ നിന്നാണ് യുവതി വീണതെന്നാണ് കരുതുന്നത്.

യുവതി ഏത് രാജ്യക്കാരിയാണെന്ന് വ്യക്തമായിട്ടില്ല. സംഭവം അറിഞ്ഞ ഉടൻ സ്ഥലത്തെത്തിയ പൊലീസും പാരാമെഡിക്കൽ സംഘവും വേണ്ട നടപടികൾ സ്വീകരിച്ചു. അന്വേഷണം ആരംഭിച്ചു.