തെലുങ്കിൽ ദുൽഖർ സൽമാൻ നായകനായ ആദ്യ ചിത്രമാണ് ലക്കി ഭാസ്കർ. സിനിമ അപ്രതീക്ഷിത വിജയത്തിലേക്കാണ് മുന്നോടിക്കൊണ്ടിരിക്കുന്നത്. ആഗോളതലത്തിൽ 100 കോടിയിലേക്കാണ് സിനിമ കുതിക്കുന്നത് എന്നാണ് റിപ്പോർട്ടുകൾ. ലക്കി ഭാസ്കർ എപ്പോഴാണ് ഒടിടി റിലീസിന് എത്തുക എന്ന വാർത്തയും ശ്രദ്ധേയമായി കൊണ്ടിരിക്കുന്നു.
നെറ്റ്ഫ്ലിക്സാണ് സിനിമയുടെ ഒടിടി റൈറ്റ്‍സ് നേടിയിരിക്കുന്നത്. നവംബര്‍ 30ന് ചിത്രം ഒടിടിയില്‍ എത്തിയേക്കും എന്നാണ് സൂചനൾ. തിയറ്ററില്‍ വൻ വിജയമായതിനാല്‍ ചിത്രത്തിന്റെ ഒടിടി റിലീസ് വൈകുമോ എന്നതില്‍ ആശങ്കയുണ്ട്. ഒടിടി റിലീസില്‍ ഔദ്യോഗിക സ്ഥിരീകരണമുണ്ടായിട്ടില്ല.
Also Read:ആണ്ടവരിൽ നിന്നും ഉലക നായകനിലേക്ക്
വെങ്കി അറ്റ്ലൂരി തിരക്കഥ എഴുതി സംവിധാനം നിര്‍വഹിച്ച ലക്കി ഭാസ്കറിൽ മീനാക്ഷി ചൗധരിയാണ് നായികയായി എത്തിയിരിക്കുന്നത്. ചിത്രത്തിന്റെ നിര്‍മാണം സിതാര എന്റർടെയിൻമെന്റസിന്റെ ബാനറില്‍ ആണ്.
അഭിലാഷ് എൻ ചന്ദ്രൻ തിരക്കഥ എഴുതി അഭിലാഷ് ജോഷി സംവിധാനം ചെയ്യ്ത കിംഗ് ഓഫ് കൊത്തയാണ് ദുല്‍ഖറിന്റേതായി മലയാളത്തില്‍ അവസാനം ഇറങ്ങിയ ചിത്രം. നിമീഷ് രവിയാണ് ചിത്രത്തിന്റെ ഛായാഗ്രാഹണം നിര്‍വഹിച്ചത്. ജേക്സ്‌ ബിജോയ്‍യും ഷാൻ റഹ്‍മാനുമാണ് സംഗീതം ഒരുക്കിയത്. സിനിമയില്‍ പ്രസന്ന, ചെമ്പൻ വിനോദ്, ഗോകുൽ സുരേഷ്, വടചെന്നൈ ശരൺ, ഐശ്വര്യാ ലക്ഷ്‍മി, നൈല ഉഷ, ശാന്തി കൃഷ്‍ണ, അനിഖാ സുരേന്ദ്രൻ എന്നിവരും മറ്റ് കഥാപാത്രങ്ങളെ അവതരിപ്പിച്ചിരുന്നു.
