തിരുവനന്തപുരം: മദ്യപാനികള്‍ക്ക് ഒരു സങ്കടവാര്‍ത്ത. സ്റ്റോക്കെടുപ്പ് പ്രമാണിച്ച് ഇന്ന് വൈകിട്ട് 7 മണി മുതല്‍ അടുത്ത രണ്ട് ദിവസത്തേക്ക് കേരളത്തിലെ ഒരു മദ്യശാലകളും തുറക്കില്ല. നാളെ ഒന്നാം തീയ്യതി ഡ്രൈ ഡേയും മറ്റന്നാള്‍ ഗാന്ധി ജയന്തി ആയതിനാലുള്ള ഡ്രൈ ഡേയുമാണ്.
ഇന്ന് വൈകിട്ട് 7 മണിയോടെ സംസ്ഥാനത്തെ എല്ലാ ബെവ്‌കോ മദ്യവില്‍പ്പന ശാലകളും അടയ്ക്കും. ഇന്ന് 11 മണിവരെ ബാറുകള്‍ പ്രവര്‍ത്തിക്കുമെങ്കിലും നാളെയും മറ്റന്നാളും ബാറുകളടക്കം സംസ്ഥാനത്തെ എല്ലാ മദ്യ വില്‍പ്പന ശാലകളും അടഞ്ഞുകിടക്കും.
