തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളം വമ്പൻ മാറ്റത്തിനൊരുങ്ങുന്നു. 1500 കോടിയുടെ വികസനപ്രവർത്തനങ്ങൾ മൂന്നുവർഷത്തിനുള്ളിൽ വിമാനത്താവളത്തിൽ നടപ്പാക്കാനാണ് അധികൃതർ ലക്ഷ്യമിടുന്നത്. ‘പ്രോജക്ട് അനന്ത’ എന്ന പേരിലാണ് ഈ വികസന പദ്ധതി അറിയപ്പെടുക.
വികസനത്തിന്റെ രൂപരേഖ തയാറായിക്കഴിഞ്ഞുവെന്ന് അദാനി എയർപോർട്ട് ഹോൾഡിങ് ഗ്രൂപ് ഡയറക്ടർ ജീത് അദാനി അറിയിച്ചു. കഴിഞ്ഞദിവസം ചേർന്ന വിമാനത്താവള വികസന കോൺക്ലേവിലാണ് അദാനി ഗ്രൂപ് രൂപരേഖയുടെ പ്രഖ്യാപനമുണ്ടായത്.