അടുത്തിടെ നടന്ന ഐഐഎഫ്ഐ അവാർഡ്സ് 2024- ചടങ്ങിനെത്തിയപ്പോൾ അക്ഷയ് കുമാറിനൊപ്പം പുതിയ ചിത്രം ചെയ്യുന്നതിനെക്കുറിച്ച് സംവിധായകൻ പ്രിയദർശൻ വാചാലനായി. അദ്ദേഹത്തിന്റെ വാക്കുകൾ ഇപ്പോൾ ശ്രദ്ധനേടുകയാണ്.
ഹൊറർ-കോമഡി വിഭാഗത്തിൽപ്പെട്ട ചിത്രമാണ് ‘ഭൂത് ബംഗ്ലാ’. നീണ്ട 14 വർഷങ്ങൾക്കുശേഷം പ്രിയദർശനും അക്ഷയ് കുമാറും ഒന്നിച്ചെത്തുന്ന സിനിമയാണിത്.ഐഐഎഫ്ഐ അവാർഡ്സിനെത്തിയപ്പോൾ അക്ഷയ് കുമാറിനൊപ്പം പുതിയ ചിത്രം ചെയ്യുന്നതിനെക്കുറിച്ച് പ്രിയദർശൻ വാചാലനായിട്ടുണ്ടായിരുന്നു. ആ വാക്കുകൾ ഇപ്പോൾ ആളുകളുടെ ശ്രദ്ധ പിടിച്ചു പറ്റുന്നുണ്ട്. അക്ഷയ്കുമാർ തമാശ ചെയ്യാൻ കാരണം പ്രിയദർശൻ ആണെന്ന് ആരാധകർ പറയുമ്പോൾ അക്ഷയ് കുമാറിന്റെ കഴിവിനെയാണ് താൻ പ്രയോജനപ്പെടുത്തിയത് എന്നാണ് പ്രിയദർശൻ പറയുന്നത്.
ALSO READ: ആനന്ദപുരം ഡയറീസ് ഇനി ഒടിടിയിലേക്ക്…
“പതിനാലുവർഷങ്ങൾക്കുശേഷം ഞങ്ങൾ ഒരുമിക്കുമ്പോൾ എല്ലാം ഭംഗിയായി കലാശിക്കുമെന്നാണ് പ്രതീക്ഷ. അതൊരു വലിയ വെല്ലുവിളിയാണ്. പ്രേക്ഷകപ്രതീക്ഷയ്ക്കൊപ്പം നിൽക്കുന്ന ചിത്രമൊരുക്കാൻ കഴിവിന്റെ പരമാവധി ശ്രമിക്കും. വളരെ അച്ചടക്കമുള്ള അഭിനേതാവാണ് അക്ഷയ് കുമാർ. സെറ്റിൽ പറഞ്ഞസമയത്ത് വരുന്ന അർപ്പണബോധമുള്ള നടനാണ് അദ്ദേഹം. സംവിധായകനെ കേൾക്കുന്ന നടൻകൂടിയാണ് അക്ഷയ് കുമാർ.” പ്രിയദർശൻ കൂട്ടിച്ചേർത്തു.
