റിയാദ്: ഈ വർഷം തണുപ്പുകാലത്തിന് സൗദി അറേബ്യയിൽ അത്ര കുളിരുണ്ടാവില്ലെന്ന് സൗദി ദേശീയ കാലാവസ്ഥ കേന്ദ്രം വക്താവ് ഹുസൈൻ അൽ ഖഹ്താനി. സാധാരണ മുൻ വർഷങ്ങളിൽ അനുഭവപ്പെട്ടതുപോലെ കൊടും ശൈത്യം ഉണ്ടാവില്ലെന്ന് അൽ അഖ്ബാരിയ ചാനലിലെ ‘120 പ്രോഗ്രാം’ പരിപാടിയിൽ സംസാരിക്കവേ അദ്ദേഹം വ്യക്തമാക്കി.
രാജ്യത്ത് പതിവുപോലെ വേനലിന് ശേഷം ശൈത്യകാലം ആരംഭിക്കുകയാണ്. ഒക്ടോബർ മുതൽ ഇനി തണുപ്പുകാലമാണ്. അന്തരീക്ഷ താപനില കുറഞ്ഞു തുടങ്ങിയിട്ടുണ്ട്. എന്നാൽ അത് കഴിഞ്ഞ വർഷങ്ങളിലേത് പോലെ റെക്കോർഡ് താഴ്ചയിലേക്ക് പോകില്ല. മൈനസ് ഡിഗ്രിയിലേക്ക് താഴാൻ വലിയ സാധ്യത ഒന്നും കാണുന്നില്ല.
Also Read: യുഎഇയില്‍ മഴ തുടരും
ശൈത്യകാലത്തെക്കുറിച്ചുള്ള കാലാവസ്ഥാ റിപ്പോർട്ട് ദേശീയ കാലാവസ്ഥാ കേന്ദ്രം പിന്നീട് പുറപ്പെടുവിക്കുമെന്നും അതിൽ പൂർണ വിവരങ്ങളും കാലാവസ്ഥാ സവിശേഷതകളും വ്യക്തമാക്കുമെന്നും അദ്ദേഹം ചൂണ്ടിക്കാട്ടി.
