ബാഗി 4 പ്രഖ്യാപിച്ച് ടൈഗര്‍ ഷെറോഫ്. എ. ഹര്‍ഷ സംവിധാനം ചെയ്യുന്ന ആക്ഷന്‍ പാക്ക്ഡ് ചിത്രം 2025 സെപ്റ്റംബര്‍ 5-ന് തിയറ്ററുകളില്‍ എത്തും. ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ ടൈഗര്‍ ഷെറോഫ് ട്വിറ്ററില്‍ പങ്കിട്ടു. കൈയില്‍ കത്തിയും മദ്യക്കുപ്പിയുമായി ടോയ്ലറ്റ് സീറ്റില്‍ ഇരിക്കുന്ന ടൈഗറിനെയാണ് പോസ്റ്ററില്‍ കാണുന്നത്. താരത്തിന്റെ മുഖവും ചുമരുകളും തറയിലും രക്തം ചിതറിക്കിടക്കുന്നുണ്ട്. നിരവധി മൃതദേഹങ്ങള്‍ ചുറ്റും കിടക്കുന്നതും കാണാം.
Also Read:മമ്മൂട്ടി-മോഹന്‍ലാല്‍ ചിത്രം; അപ്‌ഡേറ്റുമായി ചാക്കോച്ചന്‍
‘ഒരു ഇരുണ്ട ആത്മാവ്, രക്തരൂക്ഷിതമായ ദൗത്യം. ഇത്തവണ പതിവ് പോലെയല്ല എന്നാണ് ബാഗി 4 പോസ്റ്റിന് അടിക്കുറിപ്പ് നല്‍കിയിരിക്കുന്നത്. 2016ല്‍ സബിര്‍ ഖാന്‍ സംവിധാനം ചെയ്ത ചിത്രത്തിലൂടെയാണ് ബാഗി ഫ്രാഞ്ചൈസി ആരംഭിച്ചത്.
