കൊച്ചി: ഓണക്കാലത്ത് കുലുക്കി സർബത്ത് എന്ന പേരും പറഞ്ഞു ചാരായം വിൽക്കാൻ ശ്രമിച്ച രണ്ട് പേർ എറണാകുളത്ത് പിടിയിൽ. പൂക്കാട്ടുപടി സ്വദേശിയായ സന്തോഷ്, കാക്കനാട് സ്വദേശി കിരൺകുമാറിനെയുമാണ് എക്സൈസ് സംഘം അറസ്റ്റ് ചെയ്തത്.
20 ലിറ്റർ ചാരായവും വാറ്റുപകരണങ്ങളും ഇവരിൽ നിന്ന് എക്സൈസ് സംഘം പിടിച്ചെടുത്തു. അതേസമയം ഇവർ വാറ്റ് നടത്തിയിരുന്നത് വീട് വാടകക്കെടുത്തായിരുന്നു. എക്സൈസിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പരിശോധന നടത്തിയത്.
