ഇന്ത്യന്‍ പ്രീമിയര്‍ ലീഗില്‍ ഇന്ന് വമ്പന്‍ ടീമുകള്‍ ഏറ്റുമുട്ടും. രണ്ട് മത്സരങ്ങളാണ് ഇന്ന് നടക്കുക.ആദ്യ മത്സരത്തില്‍ കൊല്‍ക്കത്ത നൈറ്റ് റൈഡേഴ്‌സ് റോയല്‍ ചലഞ്ചേഴ്‌സ് ബാംഗ്ലൂരിനെ നേരിടും. രണ്ടാമത്തെ മത്സരത്തില്‍ ഗുജറാത്ത് ടൈറ്റന്‍സ് പഞ്ചാബ് കിങ്‌സുമായി മത്സരിക്കും.
വൈകീട്ട് 3.30ന് ആണ് കൊല്‍ക്കത്ത ബംഗ്ലൂര്‍ മത്സരം.കൊല്‍ക്കത്തയിലെ ഈഡന്‍ ഗാര്‍ഡന്‍സാണ് വേദി. ശ്രേയസ്സ് അയ്യര്‍ നയിക്കുന്ന നൈറ്റ് റൈഡേഴ്‌സും ഡൂപ്ലെസിസിന്റെ ആര്‍സിബിയും വിജയവഴിയില്‍ എത്താനാണ് കളത്തിലിറങ്ങുക. നിലവില്‍ പോയന്റ് പട്ടികയില്‍ മൂന്നാം സ്ഥാനത്തുള്ള കെകെആറിന് 8 പോയന്റാണുള്ളത്. പത്താം സ്ഥാനത്തുള്ള ആര്‍സിബിക്കുള്ളത് 2 പോയന്റാണ്.
മൊഹാലിയിലെ മഹാരാജായാദവിന്ദ്ര സിങ് സ്‌റ്റേഡിയത്തിലാണ് പഞ്ചാബ് കിങ്‌സ് ഗുജറാത്ത് ടൈറ്റന്‍സിനെ നേരിടുന്നത്. രാത്രി 7.30നാണ് മത്സരം. ശിഖര്‍ ധവാന്‍ നയിക്കുന്ന പഞ്ചാബ് വിജയത്തോടെയാണ് സീസണ്‍ തുടങ്ങിയതെങ്കിലും പിന്നീട് ഫോം തുടരാനായില്ല. 7 മത്സരങ്ങള്‍ കളിച്ചപ്പോള്‍ രണ്ടെണ്ണത്തില്‍ മാത്രമാണ് വിജയിക്കാനായത്. ശുഭ്മാന്‍ ഗില്‍ നയിക്കുന്ന ഗുജറാത്ത് ടൈറ്റന്‍സും അത്ര നല്ല നിലയിലല്ല. ഏഴ് മത്സരങ്ങള്‍ കളിച്ചപ്പോള്‍ വിജയിക്കാനായത് 3 എണ്ണത്തില്‍ മാത്രം. വിജയം മാത്രമാണ് ഇരു ടീമിന്റെയും ലക്ഷ്യം.
