കറുകച്ചാൽ: യുവാവിനെ കൊലപ്പെടുത്താൻ ശ്രമിച്ച കേസിൽ രണ്ടുപേർ അറസ്റ്റിൽ. ആനിക്കാട് പാതിപ്പാട് പള്ളിക്ക് സമീപം ഞണ്ടുപറമ്പിൽ ആൽവിൻ തോമസ് (പ്രിൻസ്-23), കറുകച്ചാൽ തെങ്ങോലിപ്പടി ഭാഗത്ത് പാലക്കൽ ഗോകുൽ കൃഷ്ണൻ (29) എന്നിവരെയാണ് കറുകച്ചാൽ പൊലീസ് അറസ്റ്റ് ചെയ്തത്. ഇവർ സംഘം ചേർന്ന് കഴിഞ്ഞദിവസം രാത്രി കറുകച്ചാൽ കൂത്രപ്പള്ളി ഭാഗത്ത് വെച്ച് ചെത്തിപ്പുഴ സ്വദേശിയായ യുവാവിനെ ആക്രമിച്ച് കൊലപ്പെടുത്താൻ ശ്രമിക്കുകയായിരുന്നു. ഹെൽമറ്റും ഫൈബർ പലകയും ഉപയോഗിച്ച് ആക്രമിക്കുകയായിരുന്നു. യുവാവിനോട് ഇവർക്ക് മുൻ വൈരാഗ്യമുണ്ടായിരുന്നു എന്ന് പൊലീസ് പറഞ്ഞു.