കൊല്ലം: കരുനാഗപ്പള്ളിയിൽ വ്യാജ മദ്യവുമായി രണ്ട് പേരെ എക്‌സൈസ് പിടികൂടി. കാർത്തികപ്പള്ളി കാപ്പിൽ സ്വദേശികളായ ഹാരി ജോൺ, അമിതാഭ് ചന്ദ്രൻ എന്നിവരെയാണ് കരുനാഗപ്പള്ളി എക്‌സൈസ് റേഞ്ച് ഇൻസ്‌പെക്ടർ ലതീഷ് എസിന്റെ നേതൃത്വത്തിൽ നടത്തിയ പരിശോധനയിൽ പിടികൂടിയത്.
110 ലിറ്റർ വ്യാജ മദ്യം ആണ് ഇവരുടെ കൈയ്യിൽ നിന്നും പിടിച്ചെടുത്തത്. ബൈക്കിൽ വിൽപ്പനയ്ക്കായി കൊണ്ട് വന്ന 10 ലിറ്റർ വ്യാജ മദ്യവും പിന്നീട് പ്രതിയായ അമിതാഭ് ചന്ദ്രന്റെ വീട്ടിൽ നടത്തിയ പരിശോധനയിൽ വീടിന്റെ കോമ്പൗണ്ടിൽ നിന്നും 100 ലിറ്റർ വ്യാജ മദ്യവും പിടികൂടുകയായിരുന്നു.
