കുവൈത്ത് : കുവൈറ്റില്‍ ഇന്നലെ രണ്ടിടത്ത് തീപിടിത്തം. സബാഹിയയില്‍ വാഹനങ്ങള്‍ക്കും സാല്‍മിയയില്‍ അപ്പാര്‍ട്‌മെന്റ് ബില്‍ഡിങ്ങിലുമാണ് തീപിടിത്തമുണ്ടായത്. രണ്ടിടത്തും വലിയ നഷ്ടങ്ങള്‍ ഇല്ലാതെ ഫയര്‍ഫോഴ്‌സ് എത്തി തീയണച്ചു. ബുധനാഴ്ച ഉച്ചകഴിഞ്ഞാണ് സംഭവം.എന്നാല്‍ മറ്റൊരിടത്ത് സബാഹിയ ഏരിയയിലെ ഒരു വീടിന് മുന്നില്‍ നിര്‍ത്തിയിട്ട വാഹനങ്ങള്‍ക്കാണ് തീ പിടിച്ചത്.
രണ്ട് വാഹനങ്ങളിലായി പടര്‍ന്ന തീ അഗ്‌നിശമന സേനാംഗങ്ങള്‍ എത്തി നിയന്ത്രിച്ചു. എന്നാല്‍, വാഹനങ്ങള്‍ക്ക് കാര്യമായ കേടുപാടുകള്‍ സംഭവിച്ച് കത്തിനശിക്കുകയായിരുന്നു . സാല്‍മിയ മേഖലയിലെ ഒരു അപ്പാര്‍ട്‌മെന്റ് കെട്ടിടത്തിലുണ്ടായ തീപിടിത്തവും അഗ്‌നിശമന സേനാംഗങ്ങള്‍ നിയന്ത്രിച്ചു. സംഭവത്തില്‍ ആര്‍ക്കും പരിക്കില്ലെന്ന് ഫയര്‍ഫോഴ്‌സ് അധികൃതര്‍ അറിയിച്ചു.
