മുതിര്‍ന്ന നടനും സംവിധായകനും കമല്‍ ഹാസന്റെ സഹോദരനുമായ ചാരുഹാസന്‍ ആശുപത്രിയില്‍. ദീപാവലിയുടെ തലേന്ന് രാത്രി വീണതിനെ തുടര്‍ന്നാണ് ചാരുഹാസനെ ആശുപത്രിയില്‍ പ്രവേശിപ്പിച്ചത്. മകളായ നടി സുഹാസിനിയാണ് വിവരം പങ്കുവെച്ചത്. സര്‍ജറി വേണ്ടിവരുമെന്നാണ് സുഹാസിനി വ്യക്തമാക്കിയത്.
ALSO READ: ഇന്ത്യൻ സിനിമയുടെ സൗന്ദര്യ ശിൽപ്പത്തിന് ഇന്ന് പിറന്നാൾ
ഇന്‍സ്റ്റാഗ്രാമില്‍ ചാരുഹാസനൊപ്പമുള്ള ചിത്രം സുഹാസിനി പങ്കുവെച്ചിട്ടുണ്ട്. “ദീപാവലിയുടെ തലേന്ന് ഒന്ന് വീണു, അങ്ങനെ ഞങ്ങളുടെ ദീപാവലി ആശുപത്രിയിലായി. ഒരു സര്‍ജറിക്ക് തയ്യാറെടുക്കുകയാണ്” എന്നാണ് സുഹാസിനി പങ്കുവെച്ച ചിത്രത്തിൻറെ ക്യാപ്ഷൻ.
