തിരുവനന്തപുരം: ഈ വർഷത്തെ ശബരിമല ദര്‍ശനത്തിന് സ്പോട്ട് ബുക്കിംഗ് ഒഴിവാക്കിയത് പലരും സുവർണ്ണാവസരമായി കാണുന്നു അവരെ അയ്യപ്പൻ തിരിച്ചറിയുമെന്ന് ദേവസ്വം ബോർഡ് പ്രസിഡന്റ് പി എസ് പ്രശാന്ത്. വെർച്ചൽ ക്യൂവുമായി തങ്ങൾ മുന്നോട്ടുപോകും. എന്നാൽ ഒരു തീർത്ഥാടകനും ദർശനം കിട്ടാതെ മടങ്ങേണ്ടി വരില്ലെന്ന് ഉറപ്പു നൽകുന്നു. വേർച്വൽ ക്യു മാത്രം നിങ്ങൾ വിവാദം ആക്കരുത്.
വേർച്ചൽ ക്യു അട്ടിമറിച്ചു വിശ്വാസികളെ കയറ്റും എന്ന് പറയുന്നത് യഥാർത്ഥത്തിൽ ആത്മാർത്ഥ ഇല്ലാത്തതാണ്. അത് രാഷ്ട്രീയ താല്പര്യം ആണ്. താൻ വിശ്വാസിയായ ഒരു ബോർഡ് പ്രസിഡന്റ് ആണ്. വിശ്വാസികൾക്കൊപ്പം ദേവസ്വം ബോർഡ് നിൽക്കുമെന്നും അദ്ദേഹം പറഞ്ഞു.
Also Read: കേസ് റദ്ദാക്കാൻ കോടതിയെ സമീപിക്കും; ബാലയുടെ അഭിഭാഷക
ഈ തീരുമാനം അവസാന വാക്കല്ല
തീർത്ഥാടകരുടെ സുരക്ഷയാണ് ദേവസ്വം ബോര്‍ഡിന് പ്രധാനം. മുഖ്യമന്ത്രിയുടെ അവലോകന യോഗത്തിൽ ശബരിമലയുമായി ബന്ധപ്പെട്ട 14 തീരുമാനങ്ങളെടുത്തു. അതിൽ സ്പോട്ട് ബുക്കിംഗ് ഒഴിവാക്കിയത് മാത്രം അടർത്തിയെടുത്ത് പലരും വിവാദമുണ്ടാക്കുന്നു. സിപിഐ അടക്കം ഉയർതിയ ആശങ്ക എന്തായാലും പരിശോധിക്കും. ഇപ്പോളുള്ള തീരുമാനം അവസാന വാക്കല്ല. ഉത്തരവാദിത്വത്തിൽ നിന്ന് ദേവസ്വം ഒളിച്ചോടുന്നില്ല. എല്ലാ ഒരുക്കങ്ങളും പൂർത്തിയാക്കിയിട്ടുണ്ട്.
Also Read: നടിയെ ആക്രമിച്ച കേസ്; അതിജീവിതയുടെ ഹർജി തള്ളി
അതോടൊപ്പം തന്നെ പറയുന്ന മറ്റൊരു കാര്യം സ്പോട്ട് ബുക്കിങ്‌ ഒഴിവാക്കിയത് ഒരു സുവർണ്ണാവസരമായി കാണുന്നവർക്ക് പ്രതിപക്ഷ നേതാവ് ഒരു വിധത്തിലും ഇന്ധനം പകരരുത്. ഒരു തീർത്ഥാടകനും മടങ്ങി പോകേണ്ടി വരില്ല. ആ ഉറപ്പ് നൽകുന്നുവെന്നും ദേവസ്വം ബോര്‍ഡ് പ്രസിഡണ്ട് പി എസ് പ്രശാന്ത് വ്യക്തമാക്കി.
