കാത്തിരുന്ന മഴ; ഖത്തറിനെ നന്നയിച്ച് പുതുമഴ

ദോ​ഹ: ദോഹയുടെ ദേഹത്തെ നനച്ച് ഖത്തറിൽ പുതുമഴ. ക​ന​ത്ത ചൂ​ട് സ​മ്മാ​നി​ച്ച വേ​ന​ൽ​കാ​ല​ത്തി​നൊ​ടു​വി​ൽ ത​ണു​പ്പി​ലേ​ക്കു​ള്ള വ​ര​വ​റി​യി​ച്ച് ഖ​ത്ത​റി​​ലു​ട​നീ​ളമാണ് മ​ഴ​യെ​ത്തിയത്. വെ​ള്ളി​യാ​ഴ്ച ഉ​ച്ച​യോ​ടെ​യാ​യി​രു​ന്നു ദോ​ഹ​യി​ലും സ​മീ​പ പ്ര​ദേ​ശ​ങ്ങ​ളി​ലു​മാ​യി ഇ​ടി​ക്കൊ​പ്പം മ​ഴ​യും പെ​യ്തി​റ​ങ്ങി​യ​ത്.

വെള്ളിയാഴ്ച ജു​മു​അ ന​മ​സ്കാ​രം ക​ഴി​ഞ്ഞ് വി​ശ്വാ​സി​ക​ൾ പ​ള്ളി​യി​ൽ​നി​ന്നും പു​റ​ത്തി​റ​ങ്ങി​യ​തി​നു പി​ന്നാ​ലെ മ​ണ്ണും മ​ന​സ്സും ന​ന​യി​ച്ച് മ​ഴ​യെ​ത്തുകയായിരുന്നു. വീ​ശി​യ​ടി​ച്ച കാ​റ്റി​നു പി​ന്നാ​ലെ ഇ​ടി​യു​ടെ മൂ​ള​ലി​നൊ​പ്പം ​മ​ഴ തി​മി​ർ​ത്തു പെ​യ്തു. ഏ​താ​നും മി​നി​റ്റു​ക​ൾ നീ​ണ്ട​പ്പോ​ഴേ​ക്കും റോ​ഡ​രി​കു​ക​ൾ ചെ​റു വെ​ള്ള​ക്കെ​ട്ടു​ക​ളാ​യി.

Also Read: കുതിപ്പുമായി വാഹനവിപണി; 13.7 ശതമാനം വർധന

കാത്തിരിപ്പിനൊടുവിൽ കുളിരായി മഴ

ദോ​ഹ​യി​ലെ റി​ങ് റോ​ഡു​ക​ൾ, കോ​ർ​ണീ​ഷ്, മ​ൻ​സൂ​റ, ഹി​ലാ​ൽ, ഐ​ൻ ഖാ​ലി​ദ്, ഓ​ൾ​ഡ് എ​യ​ർ​പോ​ർ​ട്ട് തു​ട​ങ്ങി​യ പ്ര​ദേ​ശ​ങ്ങ​ൾ മു​ത​ൽ ലു​സൈ​ൽ, അ​ൽ വ​ക്​​റ, അ​ൽ ഖോ​ർ തു​ട​ങ്ങി​യ ​ഭാ​ഗ​ങ്ങ​ളി​ൽ ശ​ക്ത​മാ​യ മ​ഴ​പെ​യ്തു എന്നാണ് റിപ്പോർട്ടുകൾ. വി​വി​ധ മേ​ഖ​ല​ക​ളി​ൽ പെ​യ്ത മ​ഴ​ച്ചി​ത്ര​ങ്ങ​ളും വി​ഡി​യോ ദൃ​ശ്യ​ങ്ങ​ളും സ​മൂ​ഹ മാ​ധ്യ​മ​ങ്ങ​ളി​ൽ പ​​ങ്കു​വെ​ച്ചാ​ണ്​ സ്വ​ദേ​ശി​ക​ളും പ്ര​വാ​സി​ക​ളും മ​ഴ​യെ സ്നേഹത്തോടെ വ​ര​വേ​റ്റ​ത്.

Also Read: ക്ര​മ​സ​മാ​ധാ​നം ത​ട​സ്സപ്പെ​ടു​ത്തി; വ​ട​ക്ക​ന്‍ ബാ​ത്തി​ന​യി​ൽ നി​ര​വ​ധി​പേ​ർ പി​ടി​യി​ൽ

രാജ്യത്ത് ക​ടു​ത്ത ചൂ​ടി​ന്​ ഒ​ക്​​ടോ​ബ​ർ ആ​ദ്യ​വാ​ര​ത്തി​ൽ ത​ന്നെ കു​റ​വു​ണ്ടാ​യെ​ങ്കി​ലും സീ​സ​ണി​ലെ ആ​ദ്യ മ​ഴ​ക്കാ​യു​ള്ള കാ​ത്തി​രി​പ്പി​ലാ​യി​രു​ന്നു എ​ല്ലാ​വ​രും. ക​ഴി​ഞ്ഞ ദി​വ​സ​ങ്ങ​ളി​ൽ തന്നെ മ​ഴ സാ​ധ്യ​ത പ്ര​വ​ചി​ച്ചെ​ങ്കി​ലും രാ​ജ്യ​ത്തി​ന്റെ അ​തി​ർ​ത്തി​ക​ളി​ലും ഒ​റ്റ​പ്പെ​ട്ട ചി​ല​യി​ട​ങ്ങ​ളി​ലും ചാ​റ്റ​ൽ മ​ഴ​യാ​യി പെ​യ്​​ത്​ അ​ക​ന്നു. എന്നാൽ ശ​നി​യാ​ഴ്ച ഉ​ച്ച​ക​ഴി​ഞ്ഞ് ചി​ല​യി​ട​ങ്ങ​ളി​ൽ ഒ​റ്റ​പ്പെ​ട്ട മ​ഴ പെ​യ്യാ​ൻ സാ​ധ്യ​ത​യു​ണ്ടെ​ന്നും കാ​ലാ​വ​സ്ഥ വി​ഭാ​ഗം അ​റി​യിച്ചിട്ടുണ്ട്