ന്യൂയോര്‍ക്ക്: ടി 20 ലോകകപ്പ് ഗ്രൂപ്പ് സിയിലെ നിര്‍ണ്ണായക പോരാട്ടത്തില്‍ ന്യൂസിലന്‍ഡിനെതിരെ വെസ്റ്റ് ഇന്‍ഡീസിന് 148 റണ്‍സിന്റെ ടോട്ടല്‍. ഒരു ഘട്ടത്തില്‍ മുപ്പത് റണ്‍സിന് അഞ്ചു വിക്കറ്റ് എന്ന ദയനീയ അവസ്ഥയില്‍ നിന്നാണ് വെസ്റ്റ് ഇന്‍ഡീസ് പൊരുതാവുന്ന ടോട്ടലിലേക്ക് തിരിച്ചു കയറിയത്. 39 പന്തില്‍ നിന്നും 68 റണ്‍സെടുത്ത റൂഥര്‍ഫോര്‍ഡാണ് കരീബിയന്‍ നിരയില്‍ തിളങ്ങിയത്.
ആറ് സിക്സറും രണ്ട് ഫോറും അടങ്ങിയതായിരുന്നു റൂഥര്‍ഫോര്‍ഡിന്റെ ഇന്നിംഗ്‌സ്. ന്യൂസിലന്‍ഡിന് വേണ്ടി ബോള്‍ട്ട് മൂന്ന് വിക്കറ്റും സൗത്തി, ഫെര്‍ഗൂസന്‍ എന്നിവര്‍ രണ്ട് വിക്കറ്റും നേടി. രണ്ട് മത്സരങ്ങളില്‍ രണ്ടിലും വിജയിച്ച് ഒന്നാം ഗ്രൂപ്പില്‍ സ്ഥാനത്തുള്ള വെസ്റ്റ് ഇന്‍ഡീസിന് വിജയത്തോടെ സൂപ്പര്‍ എട്ടിലേക്ക് കടക്കാം. ഒരു മത്സരം മാത്രം കളിച്ച് ജയമൊന്നുമില്ലാതെ ന്യൂസിലന്‍ഡിന് പോയിന്റൊന്നുമില്ല.
