അപ്രതീക്ഷിതമാണ് എങ്കിലും ‘പ്രേമലു’ എന്ന സിനിമ സൂപ്പർ ഹിറ്റ് ആയിരുന്നു. ആ ചിത്രത്തിന് ശേഷം നസ്ലനെ കേന്ദ്രകഥാപാത്രമാക്കി ഗിരീഷ് ഏ.ഡി സംവിധാനം ചെയ്ത ചിത്രമാണ് ‘ഐ ആം കാതലൻ’. നവംബർ ഏഴിന് തിയറ്ററുകളിലെത്തിയ ചിത്രത്തിന് എന്നാൽ പ്രേമലുവിനെപ്പോലെ ബോക്സോഫീസിൽ തരംഗം സൃഷ്ടിക്കാനായില്ല. പ്രേഷകരുടെ സമ്മിശ്ര പ്രതികരണമാണ് ചിത്രത്തിന് ലഭിച്ചത്.
Also Read: തര്‍ക്കങ്ങള്‍ക്കിടെ ഒരേ ചടങ്ങിനെത്തി നയന്‍താരയും ധനുഷും! പരസ്പരം മുഖം കൊടുക്കാതെ താരങ്ങള്‍
എന്നാലിപ്പോഴിതാ സിനിമയുടെ ഒ.ടി.ടി റിലീസിനെക്കുറിച്ചുള്ള റിപ്പോർട്ടുകൾ പ്രചരിക്കുകയാണ്. ഒ.ടി.ടി പ്ലേയുടെ റിപ്പോർട്ട് അനുസരിച്ച് ടെക്നോ- ത്രില്ലർ വിഭാഗത്തിലെത്തിയ ചിത്രം ഡിസംബറിൽ ഒ.ടി.ടിയിലെത്തുമെന്നാണ്. എന്നാൽ തീയതിയോ മറ്റുവിവരങ്ങളോ പുറത്തുവിട്ടിട്ടില്ല. അതേസമയം മനോരമ മാക്സ് ചിത്രത്തിന്റെ ഒ.ടി.ടി റൈറ്റ്സ് സ്വന്തമാക്കിയതായും വാർത്തകൾ പ്രചരിക്കുന്നുണ്ട്.
എന്നാൽ ഔദ്യോഗിക പ്രഖ്യാപനം ഇതുവരെ ഉണ്ടായിട്ടില്ല. സാധാരണ ഒരു ചിത്രം തിയറ്ററിലെത്തി 40 ദിവസം പിന്നിട്ടതിന് ശേഷമാകും ചിത്രം ഒ.ടി.ടിയിൽ എത്തുക. അങ്ങനെയെങ്കിൽ ഡിസംബർ രണ്ടാമത്തെ ആഴ്ചയിലോ ക്രിസ്മസിനോട് അനുബന്ധിച്ചോ ആകും ഐ ആം കാതലൻ ഒ.ടി.ടിയിലേക്ക് എത്തുക എന്നാണ് വിവരം.
