ദോഹ: ലോകകപ്പ് യോഗ്യത റൗണ്ടിന്റെ ഭാഗമായി നിര്‍ണായക മത്സരത്തില്‍ ഖത്തര്‍ വ്യാഴാഴ്ച ബൂട്ടുകെട്ടുമ്പോള്‍ കാണികള്‍ക്കുള്ള മാര്‍ഗ നിര്‍ദേശങ്ങളുമായി ഖത്തര്‍ ഫുട്ബാള്‍ അസോസിയേഷന്‍. കാണികള്‍ പരമാവധി നേരത്തേ എത്തണമെന്നും സ്റ്റേഡിയം ഗേറ്റുകള്‍ വൈകുന്നേരം നാലുമുതല്‍ തുറക്കുമെന്നും അധികൃതര്‍ അറിയിച്ചു. സ്റ്റേഡിയത്തിലേക്കുള്ള പ്രവേശനം കര്‍ശനമായി നിയന്ത്രിക്കും.
സാധുവായ ടിക്കറ്റില്ലാതെ ആരെയും അകത്തേക്ക് പ്രവേശിപ്പിക്കില്ല, മത്സര ദിവസം സ്റ്റേഡിയത്തില്‍ ടിക്കറ്റുകളൊന്നും വില്‍ക്കില്ല . ടിക്കറ്റുകള്‍ ഖത്തര്‍ ഫുട്ബാള്‍ അസോസിയേഷന്റെ വെബ്‌സൈറ്റ് വഴി മാത്രമെ ലഭിക്കുകയുള്ളൂ. പടിഞ്ഞാറന്‍ പാര്‍ക്കിങ് ഏരിയ മുഴുവന്‍ ആരാധകരുടെ പാര്‍ക്കിങ്ങിനായി സജ്ജീകരിച്ചിട്ടുണ്ട്
