ജറുസലേം: കൊല്ലപ്പെട്ട ഹമാസ് തലവന് യഹിയ സിൻവാർ കഴിഞ്ഞ വര്ഷം ഒക്ടോബര് ഏഴിലെ ആക്രമണത്തിനു മണിക്കൂറുകള്ക്ക് മുൻപ് തന്നെ രക്ഷപ്പെടുന്ന വിഡിയോ പുറത്തുവിട്ട് ഇസ്രയേല് സൈന്യം. സിൻവാറും അദ്ദേഹത്തിൻറെ ഭാര്യയും രണ്ടു മക്കളും തുരങ്കത്തിലൂടെ നടക്കുന്നത് ഇസ്രയേൽ ഡിഫൻസ് ഫോഴ്സ് പുറത്തുവിട്ട വിഡിയോയിൽ കാണാം.
യഹിയ സിൻവാർ കുടുംബത്തോടൊപ്പം എല്ലാ രാത്രിയും ഒളിച്ചിരുന്നത് മധ്യഗാസയിലെ ഖാന് യൂനിസിലെ തുരങ്കത്തിലാണ് എന്ന് ഇസ്രയേല് സൈന്യത്തിന്റെ വക്താവ് ഡാനിയല് ഹഗാരി പറഞ്ഞു. ഗാസയിലെ ജനങ്ങള്ക്ക് ലഭിക്കാത്ത മുന്ഗണനകളാണ് ഇത്. സിൻവാർ എപ്പോഴും അദ്ദേഹത്തിനും പണത്തിനും ഹമാസ് തീവ്രവാദികള്ക്കുമാണ് പ്രാധാന്യം നല്കുന്നതെന്നും ഹഗാരി ആരോപിച്ചു.
ഇത് തോറ്റ സൈന്യത്തിന്റെ മുഖം രക്ഷിക്കാനുള്ള ശ്രമമെന്ന് ഹമാസ്
സിൻവാറിന്റെ വിഡിയോ പുറത്തുവിട്ടതിനു പിന്നാലെ തന്നെ ഇസ്രയേല് സൈന്യത്തിനെതിരെ ഹമാസും രംഗത്തെത്തി. കമാന്ഡര് സിൻവാറിനെയും അദ്ദേഹത്തിന്റെ സഹോദരങ്ങളെയും അപമാനിച്ച് തങ്ങളുടെ തോറ്റ സൈന്യത്തിന്റെ മുഖം രക്ഷിക്കാനുള്ള ശ്രമമാണ് ഇസ്രയേല് നടത്തുന്നതെന്ന് ഹമാസ് പറഞ്ഞു.
ആ ആക്രമണത്തിൽ പകച്ച് ഇസ്രയേൽ, പ്രധാനമന്ത്രിയുടെ വസതിയും സുരക്ഷിതമല്ലേ ?
ധീരരായ തങ്ങളുടെ ജനത്തിന്റെ ചെറുത്തുനില്പ്പിന്റെ മുന്നിരയില് കഴിഞ്ഞ ഒരു വര്ഷം ഗാസ മുനമ്പിലെ വിവിധ പോരാട്ടങ്ങളില് മുന്നിരയില് നിന്ന സിൻവാര് യുദ്ധക്കളത്തില് വച്ചാണ് കൊല്ലപ്പെട്ടതെന്നും ഹമാസ് പറഞ്ഞു. സമാന രീതിയിലുള്ള വിഡിയോ ഫെബ്രുവരിയിലും സൈന്യം പുറത്തുവിട്ടിരുന്നു.