കാലിഫോര്‍ണിയ: ഇക്കഴിഞ്ഞ സെപ്റ്റംബര്‍ 9ന് ആപ്പിള്‍ കമ്പനി എല്ലാവരും ആകാംഷയോടെ കാത്തിരുന്ന ഐഫോണ്‍ 16 സിരീസ് പുറത്തിറക്കിയിരുന്നു. അതിന്റെകൂടെ ഐഫോണ്‍ 16 സിരീസില്‍പ്പെട്ട ഐഫോണ്‍ 16, ഐഫോണ്‍ 16 പ്ലസ്, ഐഫോണ്‍ 16 പ്രോ, ഐഫോണ്‍ 16 പ്രോ മാക്‌സ് എന്നീ മോഡലുകളാണ് അന്നേദിനം ആപ്പിള്‍ കമ്പനി പുറത്തിറക്കിയത്. പുത്തന്‍ മോഡലുകള്‍ വന്നതോടെ പഴയ സിരീസില്‍പ്പെട്ട ചില ഫോണുകള്‍ ആപ്പിള്‍ ഇപ്പോൾ പിന്‍വലിച്ചിരിക്കുകയാണ്.
2023 സെപ്റ്റംബറില്‍ പുറത്തിറങ്ങിയ ഐഫോണ്‍ 15 പ്രോ, ഐഫോണ്‍ 15 പ്രോ മാക്‌സ് എന്നിവയ്ക്കൊപ്പം ഐഫോണ്‍ 13 ഉം ആണ് ആപ്പിള്‍ സ്റ്റോറില്‍ നിന്ന് നിലവിൽ നീക്കം ചെയ്യപ്പെടുന്നത്. എന്നാല്‍ ഇവയുടെ സ്റ്റോക്ക് തീരും വരെ ഈ ഫോണ്‍ ആപ്പിളിന്‍റെ റീടെയ്‌ലര്‍മാരില്‍ നിന്നും ആമസോണ്‍ പോലുള്ള ഇ-കൊമേഴ്‌സ് പ്ലാറ്റ്‌ഫോമുകളില്‍ നിന്നും വാങ്ങാനാകും. ആപ്പിളിന്‍റെ സ്വന്തം എഐയായ ആപ്പിള്‍ ഇന്‍റലിജന്‍സ് ലഭ്യമായിരുന്ന മോഡലുകളായിരുന്നു ഐഫോണ്‍ 15 പ്രോയും ഐഫോണ്‍ 15 പ്രോ മാക്‌സും. ആപ്പിള്‍ ഇന്‍റലിജന്‍സ് മുമ്പ് ലഭ്യമായിരുന്നത് മുമ്പ് ഈ രണ്ട് മോഡലുകളില്‍ മാത്രമായിരുന്നു.
Also Read: ഐഫോണിനെ ട്രോളി സാംസങ്
2021 സെപ്റ്റംബറില്‍ പുറത്തിറങ്ങിയ ഐഫോണ്‍ 13 സിരീസില്‍ വിപണിയില്‍ അവശേഷിക്കുന്ന ഏക മോഡലായിരുന്നു സ്റ്റാന്‍ഡേര്‍ഡ് ഐഫോണ്‍ 13 എന്നത്. ഇപ്പോള്‍ ഐഫോണ്‍ 13 ഉം പടിയിറങ്ങിയതോടെ ഐഫോണ്‍ 13 സിരീസ് വിപണിയില്‍ നിന്ന് പൂര്‍ണമായും നീക്കം ചെയ്യപ്പെട്ടിട്ടുണ്ട്.
