കോഴിക്കോട്: ഇന്ത്യന്‍ നിര്‍മ്മിത വിദേശ മദ്യവുമായി യുവാവ് പിടിയില്‍. ബിയ്യാത്തുംതൊടി ഷംസുദ്ധീന്‍(39) ആണ് പിടിയിലായത്. നടക്കാവ് എസ്.ഐ ലീലാ വേലായുധനും സംഘവും ആണ് ഹാര്‍ബറുകള്‍ കേന്ദ്രീകരിച്ച് വില്‍പ്പനക്കായി കൊണ്ടുവന്ന വിദേശ മദ്യവുമായി പ്രതിയെ പിടികൂടിയത്.
രഹസ്യ വിവരത്തെ തുടര്‍ന്ന് ഈസ്റ്റ്ഹില്‍ ഫാത്തിമ മാതാ പള്ളിക്ക് സമീപം വെച്ച് പട്രോളിംഗിനിടെ ഷംസുദ്ധീന്‍ സഞ്ചരിച്ച സ്‌കൂട്ടറിന് കൈ കാണിച്ചെങ്കിലും സ്കൂട്ടർ നിർത്താതെ പോകുകയായിരുന്നു. പിന്നീട് തടഞ്ഞ് നിർത്തി പരിശോധിച്ചപ്പോഴാണ് ഇയാളുടെ കൈയ്യിൽ നിന്ന് 10 ലിറ്റര്‍ വിദേശ മദ്യം കണ്ടെടുത്തത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
