ഇടുക്കി: വിദേശത്തുള്ള സുഹൃത്ത് മുഖേന എത്തിച്ച എംഡിഎംഎയുമായി യുവാവ് അറസ്റ്റില്‍. തൊടുപുഴ സ്വദേശി റെസിന്‍ ഫാമി സുൽത്താനെയാണ് പോലീസ് അറസ്റ്റ് ചെയ്തത്. പെരുമ്പിള്ളിച്ചിറ ബൈപാസ് റോഡില്‍ പോലീസ് നടത്തിയ വാഹന പരിശോധനയ്ക്കിടെയാണ് ഇയാൾ പിടിയിലാകുന്നത്.
ഇയാളുടെ കൈയ്യിൽ നിന്ന് വില്‍പനയ്ക്കായി എത്തിച്ച 34 ഗ്രാം എംഡിഎംഎയും പോലീസ് പിടിച്ചെടുത്തു. ഇയാളുടെ പക്കല്‍ 60 ഗ്രാമോളം എംഡിഎംഎ ഉണ്ടായിരുന്നതായും ഇതില്‍ നിന്ന് വിറ്റ ശേഷമുള്ള 34 ഗ്രാം ആണ് പിടിച്ചെടുത്തതെന്നും പൊലീസ് അറിയിച്ചു.
