കൊടുവള്ളി: വില്പനക്കെത്തിച്ച ലഹരിമരുന്നായ എം.ഡി.എം.എയുമായി യുവാവ് പിടിയിൽ. കൊടുവള്ളി വാവാട് ഇരുമോത്ത് തെക്കേടത്ത് മുഹമ്മദ് ഫൗസി (36) ആണ് പിടിയിലായത്. 17 ഗ്രാം എം.ഡി.എം.എയാണ് യുവാവിന്റെ കയ്യിൽ നിന്ന് കോഴിക്കോട് റൂറൽ എസ്പി പി. നിധിൻ രാജിന്റെ നേതൃത്വത്തിലുള്ള അന്വേഷണ സംഘം പിടികൂടിയത്.
കൊടുവള്ളി എസ്എച്ച്ഒ കെ.പി. അഭിലാഷിന്റെ നേതൃത്വത്തിലുള്ള സ്പെഷ്യൽ സ്ക്വാഡ് എസ്.ഐമാരായ രാജീവ് ബാബു, പി. ബിജു, എ.എസ്.ഐ ഇ.കെ. മുനീർ, എസ്.സി.പി.ഒമാരായ എൻ.എം. ജയരാജൻ, പി.പി. ജിനീഷ്, എൻ.എം. ഷാഫി, ടി.കെ. ശോബിത്ത്, കൊടുവള്ളി പൊലീസ് സ്റ്റേഷൻ എസ്.ഐമാരായ ബേബി മാത്യു, ഒ.കെ. സതീഷ്, എ.എസ്.ഐ ടി.കെ. രാജേഷ്, എസ്.സി.പി.ഒമാരായ എ.കെ. രതീഷ്, എൻ. നവാസ് എന്നിവരടങ്ങിയ അന്വേഷണ സംഘമാണ് പ്രതിയെ പിടികൂടിയത്.
