ലോകകപ്പ് ക്രിക്കറ്റില്‍ ന്യൂസിലന്‍ഡിനെ 86 റണ്‍സിന് പരാജയപ്പെടുത്തി ഓസ്ട്രേലിയ. 72 പന്തില്‍ 71 റണ്‍സെടുത്ത അലക്‌സ് കാരിയുടെ ബാറ്റിംഗും, 5 വിക്കറ്റെടുത്ത മിച്ചല്‍ സ്റ്റാര്‍ക്കിന്റെ തീപ്പൊരി ബോളിംഗുമാണ് ഒസ്‌ട്രേലിയക്ക് തകര്‍പ്പന്‍ ജയം സമ്മാനിച്ചത്. മത്സരത്തില്‍ ആദ്യം ബാറ്റ് ചെയ്ത ഓസ്ട്രേലിയ 243/9 എന്ന സ്‌കോര്‍ നേടിയപ്പോള്‍, ന്യൂസിലന്‍ഡ് 157 റണ്‍സില്‍ പുറത്താവുകയായിരുന്നു.
വിജയ ലക്ഷ്യം പിന്തുടര്‍ന്ന ന്യൂസിലന്‍ഡിന് 42 റണ്‍സ് നേടുമ്പോഴേക്ക് ഓപ്പണര്‍മാരെ രണ്ട് പേരെയും നഷ്ടമായി. കെയിന്‍ വില്ല്യംസണ്‍ 40 റണ്‍സും, റോസ് ടെയ്‌ലര്‍ 30 റണ്‍സുമെടുത്ത് പൊരുതാന്‍ ശ്രമിച്ചെങ്കിലും കൃത്യമായ ഇടവേളകളില്‍ വിക്കറ്റ് വീഴ്ത്തിയ ഓസീസ് ബോളര്‍മാര്‍ തകര്‍പ്പന്‍ വിജയം ടീമിന് സമ്മാനിക്കുകയായിരുന്നു. 26 റണ്‍സിന് 5 വിക്കറ്റ് വീഴ്ത്തിയ ബോള്‍ട്ടിന് പുറമേ, ജേസണ്‍ ബെഹ്രന്‍ഡോഫ് രണ്ട് വിക്കറ്റുകള്‍ വീഴ്ത്തി.
