ന്യൂയോർക്ക്: ഇന്തോ-അമേരിക്കൻ പ്രോസിക്യൂട്ടർ ഡയാൻ ഗുജറാത്തിയെ ന്യുയോർക്ക് ഫെഡറൽ കോടതി ജഡ്ജിയായി പ്രസിഡന്‍റ് ട്രംപ് നാമനിർദേശം ചെയ്തു. ന്യൂയോർക്ക് സതേണ്‍ ഡിസ്ട്രിക്ട് ഫെഡറൽ പ്രോസിക്യൂട്ടേഴ്സ് ഓഫീസ് ഓഫ് ക്രിമിനൽ ഡെപ്യൂട്ടി ചീഫായി പ്രവർത്തിച്ചുവരികയായിരുന്നു ഡയാൻ ഗുജറാത്തി.
വ്യാഴാഴ്ചയാണ് ഇതുസംബന്ധിച്ചു ഒൗദ്യോഗിക പ്രഖ്യാപനമുണ്ടായത്. കഴിഞ്ഞ വർഷം മുൻ പ്രസിഡന്‍റ് ബറാക്ക് ഒബാമ സ്ഥാനം ഒഴിയുന്നതിനു മുന്പ് ഗുജറാത്തിയെ ഫെഡറൽ ജഡ്ജിയായി നോമിനേറ്റു ചെയ്തിരുന്നെങ്കിലും ട്രംപ് അധികാരമേറ്റെടുത്തതോടെ നിയമനം തത്കാലത്തേയ്ക്കു മരവിപ്പിച്ചിരിക്കുകയായിരുന്നു.
യേൽ ലൊ സ്കൂൾ, ബർണാഡ കോളജ് ഓഫ് കൊളംബിയ തുടങ്ങി യൂണിവേഴ്സിറ്റികളിൽനിന്നു നിയമ പഠനം പൂർത്തിയാക്കിയ ഗുജറാത്തി, ക്രിമിനൽ ഡിവിഷൻ അസിസ്റ്റന്‍റ് യുഎസ് അറ്റോർണിയായും ഏഷ്യൻ അമേരിക്കൻ ബാർ അസോസിയേഷൻ ബോർഡ് ഓഫ് ഡയറക്ടേഴ്സ് അംഗമായും പ്രവർത്തിച്ചിട്ടുണ്ട്.
