മലപ്പുറം: മലപ്പുറത്ത് എൻഐഎ റെയ്ഡ്. മഞ്ചേരി ഗ്രീൻവാലിയിലാണ് പരിശോധന. പോപ്പുലർ ഫ്രണ്ടിന്റെ പ്രധാന കേന്ദ്രമാണ് ഗ്രീൻവാലി. പോപ്പുലർ ഫ്രണ്ട് നേതാവ് റൗഫ് ഷെരീഫിനായുള്ള തെരച്ചിലിന്റെ ഭാഗമായാണ് പരിശോധന നടത്തിയതെന്നാണ് വിവരം.
സംസ്ഥാന സെക്രട്ടറിയായ ഇയാൾ നേരത്തെ മുതൽ ഒളിവിലാണ്. കേരളത്തിൽ രജിസ്റ്റർ ചെയ്ത കേസിൽ പ്രതിയാണ് റൗഫ്. ഗ്രീൻവാലിയിൽ നിന്നും ചില രേഖകൾ പിടിച്ചെടുത്തതായും സൂചനകളുണ്ട്.
