നൈജര്‍: പശ്ചിമ ആഫ്രിക്കയില്‍ കടല്‍ക്കൊള്ളക്കാര്‍ കപ്പല്‍ തട്ടിയെടുത്തു. നൈജീരിയയിലെ ബോണി ദ്വീപിന് സമീപമാണ് സംഭവം. തട്ടിയെടുത്ത ഹോങ് കോങ് കപ്പലില്‍ 18 ഇന്ത്യക്കാര്‍ ഉള്‍പ്പെട്ടിട്ടുണ്ട്. കപ്പലുകളുടെ നീക്കം നിരീക്ഷിക്കുന്ന ഏജന്‍സിയായ എ.ആര്‍.എക്‌സ്. മാരിടൈം ആണ് വിവരങ്ങള്‍ പുറത്ത് വിട്ടത്.
ഉടന്‍ തന്നെ നൈജീരിയയിലെ ഇന്ത്യന്‍ സ്ഥാനപതികാര്യാലയം നൈജീരിയന്‍ അധികൃതരുടെ സഹായം തേടുകയായിരുന്നു. 19 പേരാണ് കപ്പലിലുണ്ടായിരുന്നത്. ചൊവ്വാഴ്ചയാണ് കപ്പല്‍ തട്ടിക്കൊണ്ടുപോയതെന്ന് ഏജന്‍സി വെബ്‌സൈറ്റില്‍ അറിയിച്ചത്.
