രസകരമായ പെബിൾ ആകൃതിയിലുള്ള രൂപകൽപ്പനയും മൂന്ന് വ്യത്യസ്ത കളർ ഓപ്ഷനുകളുമായി നോയ്സ് ബഡ്സ് പ്ലേ ഇയർഫോണുകൾ പുറത്തിറക്കി. മൂന്ന് മാസത്തിനുള്ളിൽ നോയ്സ് മൂന്ന് ടിഡബ്ല്യുഎസ് ഇയർബഡുകളാണ് പുറത്തിറക്കിയത്.
ചെവിയിൽ നിന്ന് ഇയർബഡുകളിലൊന്ന് എടുത്താലുടൻ സംഗീതം നിർത്തുന്ന ഇൻ-ഇയർ ഡിറ്റക്ഷൻ സവിശേഷതയുമായാണ് ബഡ്സ് പ്ലേ അവതരിപ്പിച്ചത്. 3,499 രൂപയ്ക്ക് ടിഡബ്ല്യുഎസ് ഇയർഫോണുകൾ വിൽപ്പന നടത്തും.
സെലെസ്റ്റെ ബ്ലൂ, ഫീനിക്സ് ബ്ലാക്ക്, പേൾ വൈറ്റ് കളർ എന്നിവയുൾപ്പെടെ മൂന്ന് രസകരമായ കളർ ഓപ്ഷനുകളുമായാണ് ഈ ഇയർഫോണുകൾ അവതരിപ്പിച്ചത്. നോയ്സിന്റെ ഔദ്യോഗിക വെബ്‌സൈറ്റിൽ നിന്ന് ടിഡബ്ല്യുഎസ് ഇയർഫോണുകൾ വാങ്ങാവുന്നതാണ്. ഒരൊറ്റ ചാർജിൽ ഇയർബഡുകൾക്ക് 25 മണിക്കൂർ വരെ പ്രവർത്തിക്കാനാകുമെന്ന് കമ്പനി അവകാശപ്പെടുന്നു. ഇതിൽ വരുന്ന യുഎസ്ബി-ടൈപ്പ് സി പോർട്ട് ഏകദേശം 90 മിനിറ്റിനുള്ളിൽ ചാർജ് നിറയ്ക്കാൻ സഹായിക്കും.
