അടുത്തിടെയാണ് നോക്കിയ 6.1 പ്ലസ് ഇന്ത്യയില്‍ അവതരിപ്പിച്ചത്. 15,999 രൂപയാണ് ഫോണിന്റെ വില. എന്നാല്‍ ഫോണിന്റെ പുതിയ അപ്‌ഡേഷനില്‍ ഹൈഡ് നോച്ച് ഫീച്ചര്‍ അപ്രത്യക്ഷമായിരിക്കുകയാണ്. എന്നാല്‍ കമ്പനി ഇതുസംബന്ധിച്ച് പ്രതികരിച്ചിട്ടില്ല.
19:9 റേഷ്യോയില്‍ നോച്ച് ഡിസ്‌പ്ലേയോടു കൂടിയ ഫോണ്‍ ആണ് നോക്കിയ 6.1 പ്ലസ്. ഡ്യുവല്‍ റിയര്‍ ക്യാമറയും ഫോണിനുണ്ട്. 2880×1080 പിക്‌സലില്‍ 5.8 ഇഞ്ച് ഫുള്‍ എച്ച്ഡി ഡിസ്‌പ്ലേയാണ് ഫോണിനുള്ളത്. 636 ക്വാല്‍കോം സ്‌നാപ്ഡ്രാഗണ്‍ പ്രൊസസറാണ്. 4 ജിബി റാം 64 ജിബി സ്റ്റോറേജാണ് നോക്കിയ 6.1 പ്ലസിന്. 16 എംപി 5 എംപി ഡ്യുവല്‍ റിയര്‍ ക്യാമറകളാണ്. 3,060 എംഎഎച്ച് ബാറ്ററിയാണുള്ളത്.
