പുതിയ ആറ് സ്മാര്‍ട്ട് ടിവികള്‍ വിപണിയിലെത്തിച്ചിരിക്കുകയാണ് നോക്കിയ കമ്പനി. ഫ്‌ളിപ്കാര്‍ട്ടിലൂടെയായിരിക്കും ഇവ വിറ്റഴിക്കുക. ഫ്‌ളിപ്കാര്‍ട്ടിന്‌റെ ബിഗ് ബില്യണ്‍ ഡേയ്‌സ് ആരംഭിക്കാന്‍ ദിവസങ്ങള്‍ ബാക്കി നില്‍ക്കെയാണ് നോക്കിയ സ്മാര്‍ട്ട് ടിവി വില്പനക്കെത്തിച്ചിരിക്കുന്നത്.
തുടക്ക മോഡല്‍ 32-ഇഞ്ച് വലുപ്പമുള്ള എച്ഡി ടിവിയാണ്. ഇതിന് വില 12,999 രൂപയാണ്. 65-ഇഞ്ച് അള്‍ട്രാ എച്ഡി 4കെ മോഡലാണ് ഏറ്റവും വില കൂടിയത്- 59,999 രൂപ. 6ഡി സ്വരവിന്യാസമാണ് ശ്രേണിയുടെ ആകര്‍ഷണീയതകളിലൊന്ന്
43-ഇഞ്ച് ഫുള്‍-എച്ഡി മോഡല്‍ (22,999 രൂപ), 43-ഇഞ്ച് 4കെ അള്‍ട്രാ എച്ഡി (28,999 രൂപ), 50-ഇഞ്ച് 4കെ (33,999 രൂപ), 55-ഇഞ്ച് 4കെ (39,999 രൂപ) എന്നിവയാണ് നോക്കിയ എത്തിച്ച സ്മാര്‍ട്ട് ടിവികള്‍. ആന്‍ഡ്രോയിഡ് 9.0 ല്‍ പ്രവര്‍ത്തിക്കുന്ന നോക്കിയയുടെ പുത്തന്‍ സ്മാര്‍ട്ട് ടിവികള്‍ക്ക് ക്വാഡ് കോര്‍ പ്രോസസറാണ് ഒരുങ്ങുന്നത്.
