അര്‍ജുന്‍ റെഡ്ഡി ഫെയിം വിജയ് ദേവരകൊണ്ട രാഷ്ട്രീയക്കാരന്റെ വേഷത്തിലെത്തുന്ന ചിത്രം നോട്ട ഒക്ടോബര്‍ 5ന് തിയേറ്ററുകളിലെത്തും. നേരത്തെ ഒക്ടോബര്‍ 28ന് ചിത്രം എത്തുമെന്നാണ് അറിയിച്ചിരുന്നത്.
ചിത്രം തമിഴിലും തെലുങ്കിലുമായാണ് റിലീസ് ചെയ്യുന്നത്. ആനന്ദ് ശങ്കറാണ് സംവിധാനം. സത്യരാജ്, നാസന്‍, എംഎസ് ഭാസ്‌കര്‍, മെഹ്‌റിന്‍ പിര്‍സാദ എന്നിവരും പ്രധാന വേഷത്തിലെത്തുന്നുണ്ട്. ചിത്രം ഒരു പൊളിറ്റിക്കല്‍ ത്രില്ലര്‍ ആയിരിക്കും. സാം സി എസ് ആണ് സംഗീതം. ജ്ഞാനവേല്‍ രാജയുടെ ഗ്രീന്‍ പിക്‌ചേഴ്‌സാണ് ചിത്രം നിര്‍മ്മിക്കുന്നത്.
#NOTA @TheDeverakonda political thriller directed by @anandshank and produced by @StudioGreen2 confirms October 5 Release pic.twitter.com/EBJl3ssLmq
— Sreedhar Pillai (@sri50) September 22, 2018
അതേസമയം, വിജയ് ദേവരകൊണ്ടയുടെ ഗീതാഗോവിന്ദം തിയേറ്ററുകളില്‍ മികച്ച പ്രതികരണത്തോടെ മുന്നേറുകയാണ്. 100 കോടി ക്ലബ്ബില്‍ കയറിയ ചിത്രമെന്ന പ്രത്യേകതയും ഗീതാഗോവിന്ദത്തിനുണ്ട്.
