കോട്ടയം: കുപ്രസിദ്ധ കുറ്റവാളി ഫാന്റം പൈലിയെ കോട്ടയത്ത് നിന്ന് പൊലീസ് പിടികൂടി. ഇളമ്പ്രക്കാട് വനത്തില്‍ ഒളിവില്‍ കഴിഞ്ഞിരുന്ന ഷാജിയെയാണ് കോട്ടയം പൊലീസ് പിടികൂടിയത്. പ്രതിയെ വര്‍ക്കല പൊലീസിന് കൈമാറി. കോട്ടയം കോടിമത ബോട്ട് ജെട്ടിയില്‍ നിന്നാണ് ഇയാളെ പിടികൂടിയത്. വര്‍ക്കലയിലെ കൊലപാതക കേസില്‍ പെട്ട് ഒളിവില്‍ കഴിയുകയായിരുന്നു. ഫാന്റം പൈലി എന്ന അപരനാമത്തില്‍ അറിയപ്പെടുന്ന ഇയാളുടെ ശരിയായ പേര് ഷാജി എന്നാണ്.
അതിസാഹസികമായാണ് പൊലീസിനെ കണ്ട് ഓടിയ പ്രതിയെ പിടികൂടിയത്. നിരവധി ക്രിമിനല്‍ കേസുകളില്‍ പ്രതിയായ ഇയാള്‍ വര്‍ക്കലയില്‍ ബൈക്കില്‍ നിന്ന് ചാടിയിറങ്ങി യുവാവിനെ വെട്ടിയ കേസില്‍ പ്രതിയാണ്. കാപ്പ പ്രകാരം വിയൂര്‍ സെന്‍ട്രല്‍ ജയിലിലായിരുന്നു. നൂറോളം മോഷണക്കേസുകളിലും ഇയാള്‍ പ്രതിയാണ്.
