തിരുവനന്തപുരം: നഴ്‌സിംഗ് അഡ്മിഷൻ സമയബന്ധിതമായി പൂർത്തിയാക്കുമെന്ന് ആരോഗ്യ വകുപ്പ് മന്ത്രി വീണാ ജോർജ്. നഴ്‌സിംഗ് മാനേജുമെന്റുമായി നടത്തിയ ചർച്ചയിലാണ് മന്ത്രി ഉറപ്പ് നൽകിയത്. ബി.എസ് സി., എം.എസ് സി നഴ്‌സിംഗ് പ്രവേശനം സംബന്ധിച്ചായിരുന്നു ചർച്ച നടത്തിയത്.
നഴ്‌സിംഗ് മാനേജ്‌മെന്റ് ഉന്നയിച്ച പ്രശ്‌നങ്ങൾ പരിശോധിച്ച് നടപടി സ്വീകരിക്കാൻ യൂണിവേഴ്‌സിറ്റി രജിസ്ട്രാർക്കും നഴ്‌സിംഗ് രജിസ്ട്രാർക്കും മന്ത്രി നിർദേശം നൽകി. അഡ്മിഷന്റെ ഭാഗമായി എൽബിഎസ് വാങ്ങിയ ഫീസ് ഉടൻതന്നെ അതത് കോളേജുകൾക്ക് നൽകാൻ എൽബിഎസ് ഡയറക്ടർക്ക് കർശന നിർദേശം നൽകി.
