ചില കള്ളങ്ങള്‍ മാരകമായേക്കും എന്ന ടാഗ്‌ലൈനോടെ പ്രണവ് മോഹന്‍ലാല്‍ ചിത്രം ‘ആദി’. ജീത്തു ജോസഫ് സംവിധാനം ചെയ്യുന്ന ചിത്രത്തിന്റെ പൂജ തിരുവനന്തപുരത്ത് നടന്നു.
മോഹന്‍ലാലും പ്രണവും ചേര്‍ന്ന് തിരിതെളിച്ച ചടങ്ങില്‍ പ്രണവിന്റെ അമ്മ സുചിത്രയും സഹോദരി വിസ്മയയും പങ്കെടുത്തു.
ചിത്രത്തിന്റെ ഫസ്റ്റ്‌ലുക്ക് പോസ്റ്ററും ചടങ്ങില്‍ പുറത്തിറക്കി. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മിക്കുന്നത്.
ജിത്തു ജോസഫ് തന്നെയാണ് ചിത്രത്തിന്റെ തിരക്കഥയും നിര്‍വ്വഹിച്ചിരിക്കുന്നത്.
മോഹന്‍ലാലിനെ നായകനാക്കി വി. എ.ശ്രീകുമാര്‍ മേനോന്‍ സംവിധാനം ചെയ്യുന്ന ഒടിയന്റെ പൂജയും ലാല്‍ ജോസിന്റെ മോഹന്‍ലാല്‍ ചിത്രം വെളിപാടിന്റെ പുസ്‌കതത്തിന്റെ ടീസറും ചടങ്ങില്‍ പുറത്തിറക്കി.
