സൂപ്പര്‍സ്റ്റാര്‍ മോഹന്‍ലാലിനെ നായകനാക്കി പരസ്യ സംവിധായകന്‍ ശ്രീകുമാര്‍ മേനോന്‍ സംവിധാനം ചെയ്യുന്ന ബിഗ് ബഡ്ജറ്റ് ചിത്രം ഒടിയനിലെ ഒടിയന്‍ മാണിക്യന്റെ പുതിയ ലുക്ക് അണിയറപ്രവര്‍ത്തകര്‍ പുറത്തുവിട്ടു. മീശയും താടിയുമില്ലാത്ത ഒടിയനെ ആയിരുന്നു ഇതുവരെ കണ്ടതെങ്കില്‍ മറ്റൊരു മാസ് അവതാരമായാണ് പുതിയ രൂപം എത്തുന്നത്. ഐബിന്‍ ദേവസിയാണ് ഈ മേയ്ക്ക് ഓവര്‍ രൂപകല്‍പന ചെയ്തിരിക്കുന്നത്.
മഞ്ജുവാര്യരാണ് ചിത്രത്തിലെ നായിക . തെന്നിന്ത്യന്‍ താരം പ്രകാശ് രാജാണ് ഒടിയനില്‍ വില്ലനായി എത്തുന്നത്. ദേശീയ അവാര്‍ഡ് ജേതാവ് ഹരികൃഷ്ണന്റെ തിരക്കഥയില്‍ ഒരുങ്ങുന്ന ഒടിയന്‍ നിര്‍മ്മിക്കുന്നത് ആന്റണി പെരുമ്പാവൂരാണ്. പുലി മുരുകന്‍ എന്ന സൂപ്പര്‍ ഹിറ്റ് ചിത്രത്തിന് ശേഷം ഒടിയനിലൂടെ പീറ്റര്‍ ഹെയ്ന്‍ വീണ്ടും മലയാള സിനിമയ്ക്ക് ആക്ഷന്‍ ഒരുക്കുന്നു.
