ഡൽഹി: 17-ാം ലോക്സഭാ സ്പീക്കറായി ബിജെപി എംപി ഓം ബിർളയെ തെരഞ്ഞെടുത്തു. ഏകകണ്ഠമായാണ് ഓം ബിർളയെ ലോക്സഭാ സ്പീക്കറായി തെരഞ്ഞെടുത്തത്.
രാജസ്ഥാനിലെ കോട്ട മണ്ഡലത്തിലെ എംപിയായ ഓം ബിർളയെ എൻഡിഎ കഴിഞ്ഞ ദിവസം സ്പീക്കർ സ്ഥാനത്തേക്ക് നാമനിർദേശം ചെയ്തിരുന്നു.രണ്ടാം തവണ എംപി ആകുന്ന ഓം ബിർള മൂന്നു തവണ രാജസ്ഥാൻ നിയമസഭയിൽ കോട്ട-ബൂന്ദി മണ്ഡലത്തെ പ്രതിനിധീകരിച്ച എംഎൽഎ ആയിരുന്നു.
എൻഡിഎ യോഗത്തിൽ സ്പീക്കർ സ്ഥാനകത്തേയ്ക്ക് നരേന്ദ്ര മോദിയാണ് ഓം ബിർളയുടെ പേരു നിർദേശിച്ചത്. ശിരോമണി അകാലിദൾ നേതാവ് സുഖ്ബീർ സിംഗ് ബാദൽ, ശിവസേനാ നേതാവ് അരവിന്ദ് സാവന്ത് എന്നിവർ ഇതിനെ പിന്താങ്ങി.
