മസ്‌കറ്റ്: ഒമാനില്‍ മെയ് 8 മുതല്‍ 15 വരെ പുതിയ കര്‍ഫ്യു പ്രാബല്യത്തില്‍. കര്‍ഫ്യൂ പ്രഖ്യാപിച്ചതിന് പിന്നാലെ വിവിധ വാണിജ്യ പ്രവര്‍ത്തനങ്ങളെ നിയന്ത്രണങ്ങളില്‍ നിന്ന് ഒഴിവാക്കി. ഗവണ്‍മെന്റ് കമ്യൂണിക്കേഷന്‍ സെന്റര്‍ (ജിസി) ആണ് കര്‍ഫ്യു ബാധകമല്ലാത്ത വാണിജ്യ പ്രവര്‍ത്തനങ്ങളുടെ വിവരങ്ങള്‍ പുറത്തുവിട്ടത്.
- 50 % പ്രവര്‍ത്തനശേഷിയോടെ പച്ചക്കറികള്‍, പഴങ്ങള്‍, മത്സ്യം എന്നിവയുടെ വില്‍പ്പനയ്ക്കുള്ള കേന്ദ്ര വിപണികള്‍
- 30 % ശേഷിയുള്ള ഹൈപ്പര്‍മാര്‍ക്കറ്റുകള്‍
- 50 % ശേഷിയുള്ള കേന്ദ്ര അറവുശാലകള്‍
- സ്റ്റേഷനുകള്‍ക്കുള്ളില്‍ ടയര്‍, വാഹന റിപ്പയര്‍, എക്‌സ്പ്രസ് ഷോപ്പിംഗ് സ്റ്റോറുകള്‍ ഉള്‍പ്പെടെയുള്ള ഇന്ധന സ്റ്റേഷനുകളില്‍ ഒരേ സമയം പരമാവധി 3 ഉപഭോക്താക്കള്‍
- മത്സ്യബന്ധന ബോട്ടുകള്‍ റിപ്പെയര്‍ ചെയ്യുന്ന വര്‍ക്ക്‌ഷോപ്പുകള്‍, മത്സ്യബന്ധന ഉപകരണങ്ങളുടെ വില്‍പ്പന
- വെറ്റിനറി സെന്ററുകള്‍, ഫാര്‍മസികള്‍, ഒപ്റ്റിക്കല്‍ ഷോപ്പുകള്‍ എന്നിവ ഉള്‍പ്പെടെയുള്ള ആരോഗ്യ സ്ഥാപനങ്ങള്‍
- ഭക്ഷണ സ്റ്റോറുകള്‍, പലചരക്ക് കടകള്‍, ബേക്കറി, ഒമാനി മധുരപലഹാരശാലകള്‍, ഐസ്‌ക്രീം ഷോപ്പുകള്‍, ജ്യൂസ് ഷോപ്പുകള്‍, ഇറച്ചി കടകള്‍, തേന്‍, ഔഷധ കടകള്‍, ഈന്തപ്പഴ കടകള്‍, സുഗന്ധവ്യഞ്ജന കടകള്‍, കുടിവെള്ള കടകള്‍ തുടങ്ങിയ വാണിജ്യ സ്ഥാപനങ്ങള്‍ക്കാണ് ഇളവുകള്‍ അനുവദിച്ചിരിക്കുന്നത്‌.
