സംവിധാന രംഗത്ത് മികവ് തെളിയിച്ച ഒമര്‍ ലുലു ഇനി നിര്‍മ്മാണ രംഗത്തേക്കും ചുവട് വയ്ക്കുന്നു. ഒമര്‍ ലുലു എന്റര്‍ടൈന്‍മെന്റ് ബാനറില്‍ ആദ്യ സിനിമ ഒരുങ്ങുകയാണ്. ഓഗസ്റ്റ് മാസം ചിത്രീകരണം തുടങ്ങുന്ന സിനിമ സംവിധാനം ചെയ്യുന്നത് റോഷ്നി ദിനകറാണ്. പൃഥ്വിരാജ് നായകനായ മൈ സ്റ്റോറി സംവിധാനം ചെയ്തതിനു ശേഷം ഉള്ള രണ്ടാമത്തെ ചിത്രമാണ് റോഷ്നിയുടേത്.
ചിത്രത്തിന്റെ ക്യാമറ വിനോദ് പെരുമാളാണ്, സൗണ്ട് ഡിസൈനിങ് രംഗനാഥ് രവി, ചിത്രത്തിലെ എഡിറ്റിംഗ് ദിലീപ് ടെന്നീസ് ആണ് നിര്‍വഹിക്കുന്നത്. പുതുമുഖ താരങ്ങളായിരിക്കും നായകനും നായികമാരും ഉള്‍പ്പെടെയുള്ളവര്‍. ഗ്രാമീണ പശ്ചാത്തലത്തില്‍ ഒരുങ്ങുന്ന സിനിമ തികച്ചും നാടന്‍ പ്രണയകഥയാണ് പറയുന്നത്. ഒമര്‍ ലുലുവിന്റെ 3 ചിത്രത്തിനും കാസ്റ്റിംഗ് ഡയറക്ടറായി പ്രവര്‍ത്തിച്ച വിശാഖ് തന്നെയാണ് ഈ സിനിമയുടെയും കാസ്റ്റിംഗ് ഡയറക്ടര്‍.
ഹാപ്പി വെഡിങ്. ചങ്ക്സ് ഒരു അടാര്‍ ലവ് എന്നീ ചിത്രങ്ങളിലൂടെ ശ്രദ്ധേയനായി മാറിയ ഒമര്‍ ലുലു നിര്‍മ്മാണ രംഗത്തേക്ക് എത്തുന്നത് പുതുതലമുറയിലുള്ള കലാകാരന്മാര്‍ക്കും കലാകാരികള്‍ക്കും അവരുടെ കഴിവ് തെളിയിക്കാനുള്ള അവസരം ഉണ്ടാക്കും എന്നത് ഉറപ്പാണ്.
