കൊച്ചി : നടിയെ ആക്രമിച്ചകേസില്‍ ഒരാള്‍ കൂടി പൊലീസ് പിടിയിലായി. കാക്കനാട് ജില്ലാ ജയിലില്‍ പള്‍സര്‍ സുനിയോടൊപ്പം സഹതടവുകാരനായിരുന്ന കോട്ടയം സ്വദേശി സുനിലിനെയാണ് പൊലീസ് കസ്റ്റഡിയിലെടുത്തത്.
പള്‍സര്‍ സുനിയ്ക്ക് ജയിലില്‍ ഫോണ്‍ ചെയ്യാന്‍ ഒത്താശ ചെയ്തതിനാണ് സുനിലിനെ പൊലീസ് പിടികൂടിയത്. ഇയാളുടെ അറസ്റ്റ് പൊലീസ് രേഖപ്പെടുത്തി.
സുനിലില്‍ നിന്നും ഫോണ്‍ സംഭാഷണം സംബന്ധിച്ച് കൂടുതല്‍ വിശദാംശങ്ങള്‍ ലഭിക്കുന്നതിനായി പൊലീസ് ചോദ്യം ചെയ്യല്‍ തുടരുകയാണ്.
ജയിലില്‍ ഫോണ്‍ ഉപയോഗിച്ചതിന് പള്‍സര്‍ സുനിയെ പൊലീസ് കഴിഞ്ഞദിവസം വീണ്ടും അറസ്റ്റ് ചെയ്തിരുന്നു.
കാക്കനാട് ജില്ലാ മജിസ്‌ട്രേറ്റ് കോടതിയില്‍ ഹാജരാക്കിയ സുനിയെ അഞ്ച് ദിവസത്തെ പൊലീസ് കസ്റ്റഡിയിലാണ് നല്‍കിയിരിക്കുന്നത്.
