വിംബിൾഡൺ വനിതാഫൈനലിൽ ഇന്ന് ടുണീഷ്യയുടെ ഓണ്‍സ് ജാബുര്‍ കസാഖിസ്ഥാന്റെ എലേന റബാക്കിനയെ നേരിടും. ഇന്ത്യന്‍ സമയം വൈകീട്ട് 6.30 നാണ് പോരാട്ടം. മത്സരത്തില്‍ ഓൺസ് ജാബുർ കിരീടമണിഞ്ഞാൽ അത് ചരിത്രമാവും. കിരീടമണിഞ്ഞാൽ ഈ നേട്ടം കരസ്ഥമാക്കുന്ന ആദ്യ ആഫ്രിക്കൻ അറബ് വനിത എന്ന റെക്കോർഡാണ് ഓൺസ് ജാബുറിനെ തേടിയെത്തുക. വിംബിൾഡൺ ഫൈനലിൽ പ്രവേശിക്കുന്ന ആദ്യ ആഫ്രിക്കൻ അറബ് വനിതയാണ് ഓൺസ് ജാബുർ.
▪️ First Arab player in a Grand Slam final
▪️ First African woman in a Grand Slam final in the Open Era@Ons_Jabeur created history at #Wimbledon pic.twitter.com/3wQe2sMxHN— Wimbledon (@Wimbledon) July 7, 2022
സെമിയില്‍ ജർമനിയുടെ തത്യാന മരിയയെ വലിയ പോരാട്ടത്തിനൊടുവിൽ കീഴടക്കിയാണ് ജാബുർ ഫൈനൽ പ്രവേശം നേടിയത്. ആദ്യ സെറ്റ് 6-2 ന് ജാബുർ നേടിയെങ്കിലും രണ്ടാം സെറ്റ് പിടിച്ച തത്യാന ഗംഭീര തിരിച്ചുവരവാണ് നടത്തിയത്. എന്നാൽ മൂന്നാം സെറ്റ് വിജയിച്ച് ഓൺസ് ചരിത്രമെഴുതി. സ്കോറിങ്ങനെയാണ്- 6-2 , 3-6 , 6 -1
