ചൈനീസ് സ്മാര്‍ട്‌ഫോണ്‍ നിര്‍മാതാക്കളായ ഓപ്പോ എഫ്7 സ്മാര്‍ട്‌ഫോണുകളുടെ വില കുറച്ചു. 3,000 രൂപയാണ് കമ്പനി ഫോണിന് വിലക്കിഴിവ് ഏര്‍പ്പെടുത്തിയിരിക്കുന്നത്. 22,990 രൂപ പ്രൈസ് ടാഗോടുകൂടിയാണ് ഓപ്പോ എഫ്7 വിപണിയിലെത്തിയത്. ഈ ഓഫറിന് പുറമെ ഫ്ലിപ്കാര്‍ട്ടും ചില ആനുകൂല്യങ്ങള്‍ ലഭ്യമാക്കിയിട്ടുണ്ട്.
4 ജിബി റാം, 64 ജിബി സ്റ്റോറേജ് മോഡലിന് 19,990 രൂപയും 6 ജിബി റാമും 128 ജിബി സ്റ്റോറേജ് മോഡലിന് 23,990 രൂപയുമാണ് വില. ഇ-റീട്ടെയില്‍ സൈറ്റ് ആമസോണ്‍, ഫ്ലിപ്കാര്‍ട്ട് എന്നിവയില്‍ ഡിസ്‌കൗണ്ട് വിലയില്‍ രണ്ട് വേരിയന്റുകളും ലഭ്യമാണ്. ഇ-റീട്ടെയിലര്‍മാര്‍ എക്‌സ്‌ചേഞ്ച് ഓഫറുകളും നല്‍കുന്നുണ്ട്. സോളാര്‍ റെഡ്, മൂണ്‍ലൈറ്റ് സില്‍വര്‍ എന്നീ നിറങ്ങളിലാണ് ഫോണുകള്‍ ലഭ്യമാകുക.
പ്രതിമാസം 664 രൂപ ഇഎംഐയും 12,200 രൂപയുടെ എക്‌സ്‌ചേഞ്ച് ഓഫറുമാണ് ഫ്ലിപ്കാര്‍ട്ട് നല്‍കുന്നത്. ഇതിനു പുറമെ ആക്‌സിസ് ബാങ്ക് ബസ് കാര്‍ഡ് ഉടമകള്‍ക്ക് 5 ശതമാനം കിഴിവും വിസ കാര്‍ഡ് ഉടമകള്‍ക്ക് 5 ശതമാനം ഡിസ്‌കൗണ്ടും ലഭിക്കും.
