തിരുവനന്തപുരം : കേരള ഭരണ സര്‍വീസിലെ (കെ.എ.സി) എല്ലാ ധാരകളിലും സംവരണം നടപ്പിലാക്കണമെന്നാവശ്യപ്പെട്ട് പ്രതിപക്ഷ എം.എല്‍.എമാര്‍ മുഖ്യമന്ത്രിക്ക് കത്ത് നല്‍കി. എം.കെ മുനീര്‍. വി.ഡി സതീശന്‍, കെ.സി ജോസഫ് തുടങ്ങിയ എം.എല്‍.എമാര്‍ കത്തില്‍ ഒപ്പിട്ടു.
കെ.എ.എസില്‍ നിലവില്‍ ഒന്നാം സ്‌കീമില്‍ മാത്രമാണ് സംവരണം നിലവിലുള്ളത്. സ്‌പെഷ്യല്‍ റൂള്‍ ഭേദഗതി ചെയ്ത് മുന്നു സ്‌കീമുകളിലും സംവരണം ഉറപ്പുവരുത്തണമെന്നാവശ്യപ്പെട്ടാണ് മുഖ്യമന്ത്രിയ്ക്ക് നിവേദനം നല്‍കിയിരിക്കുന്നത്. ഇതിനു ശേഷം മാത്രമേ അന്തിമ വിജ്ഞാപനം ഇറക്കാവു എന്നും നിവേദനത്തില്‍ ആവശ്യപ്പെട്ടിട്ടുണ്ട്.
പ്രതിപക്ഷ നേതാവ് രമേശ് ചെന്നിത്തല, മുന്‍മുഖ്യമന്ത്രി ഉമ്മന്‍ ചാണ്ടി, തുടങ്ങിയ നേതാക്കളും എം.എല്‍.എമാരും ഒപ്പിട്ട നിവേദനമാണ് മുഖ്യമന്ത്രിയ്ക്ക് കൈമാറിയത്.
ആവശ്യമെങ്കില്‍ മറ്റു സമര പരിപാടികളെ കുറിച്ച് ആലോചിക്കുമെന്നും പ്രതിപക്ഷം വ്യക്തമാക്കി.
