സിംഗപ്പൂര്‍: വംശീയാധിക്ഷേപം നടത്തി വിമര്‍ശിച്ചവര്‍ക്ക് ചുട്ടമറുപടിയായി ക്ലബ് ഫുട്‌ബോളില്‍ മുന്നേറ്റവുമായി മെസ്യൂട്ട് ഓസില്‍. ഓസിലിന്റെ തകര്‍പ്പന്‍ ഗോളോടെ ഒന്നിനെതിരെ അഞ്ച് ഗോളുകള്‍ക്ക് ആഴ്സണലിന് ഉജ്വല വിജയം.
ഇന്റര്‍നാഷണല്‍ ചാംപ്യന്‍സ് കപ്പില്‍ പി.എസ്.ജിക്കെതിരെയായിരുന്നു ആഴ്‌സനലിന്റെ ജയം. ഓസിലിനെ കൂടാതെ റോബ് ഹോള്‍ഡിങ്, എഡ്ഡി, അലക്സാണ്ടര്‍ ലാകസറ്റെ എന്നിവരും ആഴ്‌സലിന് വേണ്ടി വല കുലുക്കി.
വംശീയാധിക്ഷേപത്തിന്റെ പേരില്‍ ജര്‍മ്മന്‍ ദേശീയ ടീമില്‍ നിന്ന് വിരമിക്കല്‍ പ്രഖ്യാപിച്ച ശേഷം മെസ്യൂട്ട് ഓസില്‍ കളിച്ച ആദ്യ മത്സരമായിരുന്നു ഇത്.
ഓസിലിന്റെ നേതൃത്വത്തിലിറങ്ങിയ ആഴ്സണല്‍ പി.എസ്.ജിയെ തരിപ്പണമാക്കുന്ന പ്രകടനമാണ് പുറത്തെടുത്തത്.
അയൂബ്മെയാഗിന്റെ ക്രോസില്‍ നിന്നും 12-ാം മിനിറ്റില്‍ ആഴ്സണലിന്റെ ആദ്യ ഗോള്‍ നേടിയതും ഓസിലായിരുന്നു.
