കണ്ണന്‍ താമരക്കുളം ജയറാം കൂട്ടുകെട്ടില്‍ ആടുപുലിയാട്ടം എന്ന സൂപ്പര്‍ ഹിറ്റ് ചിത്രത്തിന് ശേഷം ഒന്നിക്കുന്ന ചിത്രമാണ് അച്ചായന്‍സ്. ചിത്രത്തിന്റെ ഷൂട്ടിംഗ് പുരോഗമിക്കുന്നു .
തന്റെതായ ശൈലിയില്‍ രാഷ്ട്രീയത്തില്‍ ഒറ്റയാള്‍ പോരാട്ടം നടത്തുന്ന പിസി ജോര്‍ജ്ജ് എംഎല്‍എയും ശ്രദ്ധേയമായ ഒരു കഥാപാത്രത്തിലുടെ ഈ ചിത്രത്തിലെത്തുന്നു.
പിസി ജോര്‍ജ്ജിന്റെ നാലാമത്തെ ചിത്രമാണ് ഇത്. അഞ്ച് നായകന്‍ കഥാപാത്രങ്ങളാണ് ഈ ചിത്രത്തിന്റെ മറ്റൊരുമികവ്.ജയറാം,പ്രകാശ് രാജ്, ഉണ്ണി മുകുന്ദന്‍,ആദില്‍, സഞ്ജു ശിവറാം നായകന്മാര്‍. നായികമാര്‍ അമല പോള്‍,ശിവദ,ഹാപ്പി വെഡ്ഡിങിലൂടെ ശ്രദ്ധേയയായ അനു സിത്താരയാണ് മറ്റൊരു നായിക, തുടങ്ങി വന്‍താരനിര തന്നെ ഉണ്ട്.
അമല പോളിനൊപ്പം തുല്യവേഷത്തില്‍ നായികമാരായി ശിവദയും അനു സിത്താരയും എത്തുന്നു. സിനിമയുടെ തിരക്കഥ സച്ചിസേതു കൂട്ടുകെട്ടിലെ സേതുവാണ്.
കോമഡിയും സസ്‌പെന്‍സും നിറഞ്ഞ ഒരു ഫണ്‍ ത്രില്ലര്‍ മൂഡില്‍ പോകുന്ന ചിത്രമായിരിക്കും അച്ചായന്‍സ്.പ്രദീപ് നായര്‍ ഛായാഗ്രഹണം നിര്‍വഹിക്കുന്ന ചിത്രത്തിന് രതീഷ് വേഗ സംഗീതം നിര്‍വഹിക്കുന്നു.
ഫോര്‍ട്ട്‌കൊച്ചി, വാഗമണ്‍, കുട്ടിക്കാനം, കമ്പം, തേനി, ഹൈദരാബാദ്,മുന്നാര്‍, എന്നിവിടങ്ങളില്‍ അച്ചായന്‍സ്’ന്റെ ഷൂട്ടിംഗ് പുരോഗമിക്കുന്നു. ഡിഎന്‍വിപി ക്രിയേഷന്‍സിന്റെ ബാനറില്‍ സികെ പത്മകുമാര്‍ ആണ് നിര്‍മാണം
