കൊച്ചി: സോളാര്‍ കമ്മീഷന്‍ മുന്‍വിധിയോടെ പെരുമാറുന്നതായി യു.ഡി.എഫ് കണ്‍വീനര്‍ പി.പി തങ്കച്ചന്‍. സോളാര്‍ കമ്മീഷന്റെ ഇപ്പോഴത്തെ പ്രവര്‍ത്തന രീതിയില്‍ യു.ഡി.എഫിന് തൃപ്തിയില്ല.
പലപ്പോഴും അതിരുവിടുന്ന സമീപനമാണ് കമ്മീഷന്‍ സ്വീകരിക്കുന്നത്. ജഡ്ജിമാര്‍ക്കാരെയും വിമര്‍ശിക്കാം; ജഡ്ജിമാരെ ആരും വിമര്‍ശിക്കരുത് എന്ന നിലപാട് ശരിയല്ല.
ജനപ്രതിനിധികള്‍ക്കും അവരുടേതായ അവകാശങ്ങള്‍ ഉണ്ട്. ഇങ്ങോട്ടുണ്ടായാല്‍ അങ്ങോട്ടുമുണ്ടാവും എന്ന് മനസ്സിലാക്കണം. അന്തിമ തീരുമാനമെടുക്കുക ജനകീയ കോടതിയാണ്. കൊച്ചിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു തങ്കച്ചന്‍.
