ഗ്രാമീണ വനിതകൾക്കായി കുറഞ്ഞ ചിലവിൽ സാനിറ്ററി പാഡുകൾ നിർമ്മിക്കുന്ന കഥാപാത്രമായി അക്ഷയ് കുമാർ എത്തുന്ന പാഡ്മാനിലെ മനോഹരമായ ഗാനം പുറത്തെത്തി. സാലെ സ്വാപന് എന്ന ഗാനമാണ് പുറത്തിറങ്ങിയത് . ചിത്രത്തിലെ അക്ഷയ്കുമാറിന്റെ കഥാപാത്രത്തിന്റെ യാത്രയിലൂടെയാണ് ഗാനം ചിത്രീകരിച്ചിരിക്കുന്നത്.
കൗസർ മുനിയർ രചിച്ച ഗാനത്തിന് സംഗീതം നൽകിയിരിക്കുന്നത് അമിത് ത്രിവേദിയാണ്.മോഹിത് ചൗഹാനാണ് ഗാനം ആലപിച്ചിരിക്കുന്നത്. സാനിറ്ററി നാപ്കിനുകള്‍ നിര്‍മ്മിക്കുന്ന കോയമ്പത്തൂരിലെ അരുണാചലം മുരുഗാനന്ദന്റെ ജീവിതത്തെ ആസ്പദമാക്കിയാണ് ചിത്രം ഒരുക്കിയിരിക്കുന്നത്.
സ്ത്രീകളിലെ ആര്‍ത്തവം വിഷയമാക്കി ആര്‍. ബല്‍കിയാണ് ചിത്രം സംവിധാനം ചെയ്യുന്നത്.സോനം കപൂറും രാധികാ ആപ്‌തെയുമാണ് ചിത്രത്തിലെ നായികമാരായി എത്തുന്നത്.ട്വിങ്കിള്‍ ഖന്നയും ഗൗരി ഷിണ്ടെയും ചേര്‍ന്നാണ് ചിത്രത്തിന്റെ നിര്‍മ്മാണം. ചിത്രം ജനുവരി 25ന് തീയേറ്ററിൽ എത്തും.
