ന്യൂസീലൻഡ്: ന്യൂസീലൻഡ് പര്യടനത്തിനെത്തിയ എല്ലാ പാക് താരങ്ങളുടെയും കോവിഡ് പരിശോധനാഫലം നെഗറ്റീവ്. താരങ്ങൾക്ക് ഉടൻ പരിശീലനത്തിനുള്ള അനുമതി ലഭിക്കും. പാക് സ്ക്വാഡിലെ 8 താരങ്ങൾക്കാണ് നേരത്തെ കോവിഡ് സ്ഥിരീകരിച്ചിരുന്നത്. ഇതേ തുടർന്ന് താരങ്ങൾക്ക് ന്യൂസീലൻഡ് ആരോഗ്യവകുപ്പ് പരിശീലനം നിഷേധിച്ചിരുന്നു.
12ആം ദിവസം നടത്തിയ അഞ്ചാം കോവിഡ് പരിശോധാഫലമാണ് നെഗറ്റീവായത്. ഡിസംബർ എട്ടിനാണ് താരങ്ങളുടെ ഐസൊലേഷൻ കാലാവധി കഴിയുക. പിറ്റേ ദിവസം മുതൽ പരിശീലനത്തിനും ഇറങ്ങാനാവും. ഡിസംബർ 18നാണ് പാകിസ്താൻ്റെ ന്യൂസീലൻഡ് പര്യടനം ആരംഭിക്കുന്നത്. മൂന്ന് ടി-20കളും രണ്ട് ടെസ്റ്റുകളുമാണ് പര്യടനത്തിൽ ഉള്ളത്.
