പാക്കിസ്ഥാനില്‍ ഈദിന് സല്‍മാന്‍ ഖാന്‍ ചിത്രം റേസ് 3 റിലീസ് ചെയ്യില്ല. പാക്കിസ്ഥാനിലെ ഇന്‍ഫര്‍മേഷന്‍ ആന്‍ഡ് ബ്രോഡ്കാസ്റ്റിംഗ് മന്ത്രാലയത്തിന്റെ നിരോധനമാണ് സിനിമ വൈകാന്‍ കാരണം. ഈദിന് മാത്രമാണ് ചിത്രത്തിന് നിയന്ത്രണം ഏര്‍പ്പെടുത്തിയിരിക്കുന്നത്. ജൂണ്‍ 15 ന് റിലീസ് ചെയ്യുന്ന റേസ് 3 അയല്‍ രാജ്യങ്ങളില്‍ വൈകി റീലിസ് ചെയ്യാനാണ് സാധ്യത.
അനില്‍ കപൂര്‍, ബോബി ഡിയോള്‍, സക്വിബ് സലിം, ജാക്വിലിന്‍ ഫെര്‍ണാണ്ടസ്, ഡെയ്‌സി ഷാ എന്നിവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. സല്‍മാന്‍ ഖാന്‍ നായകനാകുന്ന റേസ് 3 സംവിധാനം ചെയ്യുന്നത് റെമോ ഡിസൂസയാണ്. സല്‍മാന്‍ ഖാനും രമേഷ് എസ് തറാനിയും ചേര്‍ന്നാണ് ചിത്രം നിര്‍മ്മിക്കുന്നത്.
