ഇസ്ലാമാബാദ്: അമേരിക്കന്‍ ഡ്രോണ്‍ ആക്രമണത്തിനിടയില്‍ തഹ്‌റീക്ക് ഇ താലിബാന്‍ പാക്കിസ്ഥാന് (ടിടിപി) ഡെപ്യൂട്ടി ചീഫ് കൊല്ലപ്പെട്ടു. ഖാന്‍ സയ്ദ് മെഹ്‌സുദ് ആണ് ആക്രമണത്തില്‍ കൊല്ലപ്പെട്ടത്. മെഹ്‌സുദിന്റെ സഹോദരിയുടെ മകനും കൊല്ലപ്പെട്ടു.
അഫ്ഗാനിസ്ഥാനിലെ ബര്‍മലില്‍ നടത്തിയ വ്യോമാക്രമണത്തിലാണ് ഭീകരര്‍ കൊല്ലപ്പെട്ടിരിക്കുന്നത്. ആക്രമണത്തില്‍ ഇവര്‍ സഞ്ചരിച്ചിരുന്ന വാഹനം പൂര്‍ണമായും തകര്‍ന്നു. ടിടിപിയുടെ പ്രവര്‍ത്തനങ്ങള്‍ നിയന്ത്രിച്ചിരുന്നത് മെഹ്‌സുദായിരുന്നു.
