കോട്ടയം: പാലാ ഉപതെരഞ്ഞെടുപ്പില് യുഡിഎഫിനു സംഭവിച്ചത് ഞെട്ടിക്കുന്ന തോല്വിയെന്നു കോണ്ഗ്രസ് നേതാവ് വി.എം. സുധീരന്. വന് തിരിച്ചടിയാണ് നേരിട്ടതെന്നും യുഡിഎഫ് നേതാക്കളുടെ മനോഭാവം മാറണമെന്നും അദ്ദേഹം പ്രതികരിച്ചു.
എല്ഡിഎഫിനു പോലും പാലായില് ആത്മവിശ്വാസമുണ്ടായിരുന്നില്ല. ഈ പരാജയം എങ്ങനെ സംഭവിച്ചു എന്നതില് സത്യസന്ധമായ പരിശോധന ആവശ്യമാണ്. യുഡിഎഫ് നേതൃത്വത്തിന് ജനങ്ങള് നല്കിയ താക്കീതാണ് ഇതെന്നും സുധീരന് കുറ്റപ്പെടുത്തി.